Ҳаҷми маҳсулоти саноатии вилояти Суғд дар ҳоли афзоиш аст

Душанбе, 18.10.2016 /АМИТ «Ховар»/. Ҳиссаи саноати вилояти Суғд дар ташаккули ҳаҷми маҳсулоти саноати ҷумҳурӣ ба 46,2 фоиз баробар шуда, нисбат ба ҳамин давраи соли гузашта 7,1 фоиз зиёд аст.
Тибқи нишондоди таҳлилҳо дар ин давра шаҳру ноҳияҳои Айнӣ, Бобоҷон Ғафуров, Истиқлол ва Спитамен дар заминаи нишондиҳандаҳои баланди истеҳсолӣ тавонистанд саҳми худро дар ташаккули ҳаҷми маҳсулоти саноатии вилоят нисбат ба ҳамин давраи соли гузашта зиёд намоянд.
Интизор меравад, ки дар охири соли равон ҳаҷми маҳсулоти саноатӣ дар вилояти Суғд ба беш аз 6 млрд сомонӣ баробар гардида, саноатчиёни вилоят аз иҷрои уҳдадориҳои худ ҷиҳати то 1 январи соли 2017 нисбат ба соли 2013, яъне дар зарфи 3 сол ду маротиба зиёд намудани ҳаҷми маҳсулоти саноатии вилоят маълумот хоҳанд дод.
Дар ин бора аз Хадамоти матбуоти вилояти Суғд хабар доданд.