Қадам ба фардо бо беҳтарин лоиҳаҳо
Душанбе, 15.10.16. /АМИТ «Ховар»/. Маросими супоридани ҷоизаҳо ба иштирокчиёни озмуни ҷумҳуриявии «Навоварон ва ихтироъкорони наврас ва ҷавон» таҳти шиори «Қадам ба фардо» дирӯз дар Душанбе доир гардид.
Тавре ба АМИТ «Ховар» аз Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон хабар доданд, дар озмуни мазкур наврасон ва ҷавонон аз мактабҳои миёнаи таҳсилоти ҳамагонӣ, литсейҳо, гимназияҳо, донишгоҳҳо ва донишкадаҳои манотиқи кишвар ширкат варзида, лоиҳаҳои худро вобаста ба соҳаҳои гуногун, аз ҷумла: кимиё, тиб, механика, физика, байторӣ, металлургия, гармидиҳӣ, саноати хўрокворӣ ва дигар соҳаҳо, пешниҳод намуданд.
Дар маҷмӯъ 76 лоиҳа аз ҷониби аъзои ҳакамони озмун баҳогузорӣ карда шуда, дар натиҷа Аҳмадҷон Раҳмонов, сардори идораи корҳои илмию тадқиқотии Донишгоҳи техникии Тоҷикистон ба номи С.М. Осимӣ барои пешниҳоди силсилаи моделҳои судманд дар соҳаи сохтмон сазовори ҷои якум дониста шуда, бо дипломи дараҷаи аввал ва туҳфаи хотиравӣ сарфароз гардонида шуд.
Раҷабалии Музаффар, ходими илмии Пажӯҳишгоҳи байтории Академияи илмҳои кишоварзии Ҷумҳурии Тоҷикистон барои ихтирои маводи доруворӣ дар соҳаи байторӣ сазовори ҷои дуюм дониста шуда, бо дипломи дараҷаи дуюм ва туҳфаи хотиравӣ сарфароз гардонида шуд.
Зафар Воҳидов, донишҷўи курси сеюми факултаи «Менеҷмент ва коммуникатсияҳои нақлиётӣ»-и Донишгоҳи техникии Тоҷикистон ба номи академик М. Осимӣ барои сохтани модели амалкунандаи техникаи хурди сохтмонӣ дар соҳаи механика сазовори ҷои сеюм дониста шуда, бо дипломи дараҷаи сеюм ва туҳфаи хотиравӣ сарфароз гардонида шуд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
