МИМД барои баланд бардоштани савияи дониши донишҷӯёни ДДТТ омӯзиш доир кард

Душанбе, 13.10.2016 /АМИТ «Ховар»/. «Ҷустуҷӯи иттилооти эътимодноки фармасевтӣ оид ба маводи доруворӣ»- таҳти ин мавзӯъ Маркази иттилоотӣ оид ба маводи доруворӣ (МИМД) семинар-тренингро ҷиҳати баланд бардоштани савияи дониши донишҷӯёни Донишгоҳи давлатии тиббии Тоҷикистон ба номи Абӯалӣ ибни Сино оид ба маводи доруворӣ баргузор намуд.
Дар семинар-тренинг донишҷӯёни бахши 3-и факултаи тиббӣ иштирок намуда, ба онҳо кормандони МИМД оид ба зарурати эътимоднок будани иттилооти тиббӣ, алалхусус иттилооти фармасевтии тиббӣ маълумот шарҳ доданд.
Дар анҷоми семинар-тренинг донишҷӯён мулоҳизаҳои худро баён намуда, хоҳишманди зиёд кардани миқдори чунин тренингҳои омӯзишӣ шуданд. Барои паҳн намудани иттилооти саҳеҳ ва эътимодноки фармасевтӣ ба ҳар иштирокчӣ маводи иттилоотӣ тақдим карда шуд.
Дар ин бора аз Донишгоҳи давлатии тиббии Тоҷикистон ба номи Абӯалӣ ибни Сино иттилоъ доданд.