Футболбозони Тоҷикистон пагоҳ бо дастаи мунтахаби Туркманистон қувва меозмоянд

Душанбе, 08.11.2016 /АМИТ «Ховар»/. Пагоҳ дар Варзишгоҳи марказии ҷумҳуриявӣ дастаи мунтахаби Тоҷикистон бо дастаи мунтахаби Туркманистон дар як дидори рафиқона дар соати 17:00 бо ҳам вориди майдон мешаванд. Мақсади бозӣ санҷиши тайёрии дастаҳо ба бозиҳои интихобии Чемпионати Осиё, ки моҳи марти соли оянда баргузор мешавад, ба ҳисоб меравад. Тоҷикистон ва Туркманистон дар он ширкат меварзанд.
Дастаҳои мунтахаби Тоҷикистон ва Туркманистон дар таърихи худ бо ҳам 7 бозӣ доир кардаанд, ки дар он ду маротиба футболбозони Тоҷикистон ва се маротиба Туркманистон ғолиб омада, ду бозии дигар мусовӣ анҷом ёфтааст.
Аввалин бозии ин дастаҳо 24 сол муқаддам -11 июли соли 1992 дар шаҳри Ашқобод сурат гирифтааст, ки он бо ҳисоби мусовии 3:3 ба поён расидааст.
Натиҷаи бозиҳои дигар чунин аст:

Ҷоми Осиёи марказӣ
Туркманистон Тоҷикистон 3:3
Муаллифи голҳои Тоҷикистон: Ораз Назаров, 26, Алиёр Ашӯрмамадов, 30, 66.
11 июли с. 1992 , ш. Ашқобод.

Бозии дӯстона
Туркманистон Тоҷикистон 6:0
2 июни с. 1993, ш. Ашқобод.

Мусобиқаи байналмилалӣ

Тоҷикистон Туркманистон 0:2
19 апрели с. 1994, ш. Тошканд.

Чемпионати ҷаҳон. Бозиҳои интихобӣ
Туркманистон Тоҷикистон 1:2
Голҳо: Вячеслав Князев, 41, 49.
25 маи с. 1997, ш. Ашқобод.

Чемпионати ҷаҳон. Бозиҳои интихобӣ

Тоҷикистон Туркманистон 5:0
Голҳо: Арсен Аваков, 4, 26, 34, Шуҳрат Ҷабборов, 14, Тоҳирҷон Мӯминов, 88.
22 июни с.1997, ш. Душанбе.

Ҷоми даъвати КФО-2008. Даври ниҳоӣ

Тоҷикистон Туркманистон 0:0
30 июли с. 2008 , ш. Ҳайдаробод, Ҳиндустон.

Ҷоми даъвати КФО-2008. Даври ниҳоӣ

Тоҷикистон Туркманистон 0:2
24 феврали с. 2010 , Колумбия, Шри-Ланка.

Ин дафъа кӣ ғолиб меояд, пагоҳ хоҳем дид.