Кӯлоб: Созандагони Ватан пуштибони Пешвои миллат
Душанбе,11.11.2016./АМИТ «Ховар»/. Бо ташаббуси намояндагии ТҶҶ «Созандагони Ватан» дар вилояти Хатлон дар Китобхонаи вилоятии ба номи Садриддин Айнӣ дар шаҳри Кӯлоб бахшида ба Рӯзи Президенти Ҷумҳурии Тоҷикистон ва 5-солагии ТҶҶ «Созандагони Ватан» конфронси минтақавӣ баргузор шуд. Тавре аз Кумитаи иҷроияи Ҳизби халқии демократии Тоҷикистон дар шаҳри Кӯлоб хабар доданд, дар кори конфронс зиёда аз 50 нафар аъзои ТҶҶ «Созандагони Ватан» аз шаҳру навоҳии минтақаи Кӯлоб иштирок намуданд.
Пеш аз оғози чорабинӣ дар даромадгоҳи китобхона китобҳои Пешвои миллат ба хотири огоҳи пайдо кардан аз гузаштаву имрӯзи халқи тоҷик ва такмил додани ҷаҳонбинии сиёсиву фарҳангии ҷавонон ба намоиш гузошта шуданд.
Раиси Кумитаи иҷроияи Ҳизби халқии демократии Тоҷикистон дар шаҳри Кӯлоб Саъбагул Валиева зикр кард, ки «Пешвои миллат барои пойдории сулҳу субот, Ваҳдати миллӣ, сазовор шудан ба истиқлолияти комил хизматҳои беназир кардааст. Боиси ифтихори тамоми миллати тоҷик аст, ки дар қатори дигар идҳои миллӣ дар саросари мамлакат Рӯзи Президент низ ҷашн гирифта мешавад».
Раиси ТҶҶ «Созандагони Ватан» дар вилояти Хатлон Орзу Ҳамидов иброз дошт, ки «яке аз тадбирхои дурандешона ва хирадмандонаи Асосгузори сулҳу вахдати миллӣ — Пешвои миллат муҳтарам Эмомалӣ Раҳмон ин таклиф ҷиҳати таъсис додани қаноти ҷавонони Ҳизби халқии демократии Тоҷикистон таҳти унвони «Созандагони Ватан» буд, ки 20 апрели соли 2011 дар КИМ ҲХДТ ироа гардид. 11 ноябри соли 2011 ТҶҶ «Созандагони Ватан» ба қайд гирифта шуда, ба фаъолият оғоз кард. Ин иқдом бори дигар ҳусни тавваҷуҳи роҳбарияти олии кишварро нисбати ҷавонон нишон дода, қишри ҷавони ҷомеаро ба иҷрои амалҳои созанда дилгарм сохт».
Ҷавонон дар васфи Ватан, Истиқлолият ва Пешвои миллат сурудҳо ва порчаҳои шеърӣ қироат намуда, ба ин васила нишон доданд, ки дар ҳақиқат ҷонибдор ва пайрави сиёсати хирадмандонаи Асосгузори сулҳу ваҳдати миллӣ — Пешвои миллат мебошанд.
Дар охир ба ҷавонони фаъол, ки ба сафи Ҳизби халқии демократии Тоҷикистон шомил гардиданд, билетҳои ҳизбӣ супорида шуданд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
