Тоҷикистон дар «Остона EXPO 2017» ба ҷомеаи ҷаҳонӣ дар мавзӯи «Барқ барои оянда» дастовардҳои назарраси худро нишон медиҳад
Душанбе, 09.11.2016 /АМИТ «Ховар»/. Раиси Палатаи савдо ва саноати ҶТ Шариф Саид бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Нурлан Сейтимов оид ба масъалаи иштироки ҷониби Тоҷикистон дар Намоишгоҳи байналмилалии махсуси «Остона EXPO 2017» мулоқот намуд.
Дар ҷараёни мулоқот масоили васеи муносибатҳои дуҷониба ва бисёрҷониба миёни Тоҷикистон ва Қазоқистон, инчунин дурнамои рушди ҳамкории мутақобилан судманд мавриди баррасӣ қарор гирифтанд.
Шариф Саид зикр намуд, ки чанде пеш дар Остона оид ба натиҷаҳои гуфтушунид бо Раиси раёсати Палатаи савдои берунии соҳибкорони Қазоқистон Аян Еренов созишномаи ҳамкорӣ миёни палатаҳо ба имзо расид.
«Бо назардошти таҷрибаи Тоҷикистон дар истифодаи захираҳои энергияи барқароршаванда соҳаи гидроэнергетикаи Ҷумҳурии Тоҷикистон бояд ба таври арзанда дар намоишгоҳи байналмилалии Қазоқистон муаррифӣ шавад»,-илова намуд Шариф Саид ва зикр намуд, ки «Тоҷикистон дар ин самт корҳои зиёдро ба анҷом расонидаву метавонад ба ҷомеаи ҷаҳонӣ дар мавзӯи «Барқ барои оянда» дастовардҳои назаррас нишон диҳад.
Тоҷикистон дорои институтҳои илмию тадқиқотӣ, Пажӯҳишгоҳи мелиоратсия ва гидроэнергетика, инчунин олимони барҷастаи соҳа мебошад, ки онҳо солҳост дар ин самт фаъолият дошта, метавонанд тадқиқоти худро ба намоиш гузоранд. Ғайр аз ин иштироки Тоҷикистон дар намоишгоҳ ба густариши муносибатҳои Тоҷикистону Қазоқистон такони тоза мебахшад».
Ба андешаи Нурлан Сейтимов, Қазоқистон ҷиҳати омодагии муваффақона ва баргузор кардани Намоишгоҳи байналмилалии махсуси «Остона EXPO 2017» тамоми тадбирҳои заруриро меандешад, то ин намоишгоҳ дар сатҳи баланд доир гардад.
Ёдовар мешавем, ки чанде пеш дар шаҳри Душанбе вохӯрии соҳибкорони Тоҷикистону Қазоқистон доир гардида буд, ки дар натиҷаи он байни 75 ширкат ба маблағи зиёда аз 46 млн. доллари ИМА шартномаи ҳамкорӣ ба имзо расонида шуд.
Дар ин бора аз Палатаи савдо ва саноати Ҷумҳурии Тоҷикистон хабар доданд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
