Тоҷикистону Афғонистон: «Имкониятҳои транзитии Афғонистон бояд барои рушди тиҷорати байниминтақавӣ хидмат кунанд»

Ноябрь 12, 2016 10:45

Душанбе, 11.11.2016 /АМИТ «Ховар/. Дирӯз раиси Маҷлиси намояндагон Шукурҷон Зуҳуров сафири Ҷумҳурии Исломии Афғонистон Абдулғаффори Орзуро ба муносибати анҷомрасии ваколати дипломатияш дар Тоҷикистон ба ҳузур пазируфт.
Дар ин бора ба АМИТ «Ховар» аз Маҷлиси намояндагон иттилоъ дода, илова карданд, ки дар ҷараёни мулоқот бештар ба масъалаи тақвияти ҳамкории ду кишвари ҳамсарҳад таваҷҷӯҳ зоҳир карда шуд.
Таъкид гардид, ки дар натиҷаи талошҳои муштараки роҳбарони сатҳи олии ҳар ду кишвар ҳамкории Тоҷикистон ва Афғонистон дар самтҳои сиёсӣ, иқтисодӣ ва фарҳангӣ бемайлон густариш ёфта, ба манофеи мардумони ду кишвар равона шудааст.
Тоҷикистон ба густариши бештари муносибатҳои тиҷоратӣ, ҳамкории иқтисодӣ, сармоягузорӣ, гузаронидани ҳамоиши сармоягузорон, анҷумани тоҷирон, намоишҳои бузурги муштараки иқтисодӣ ва аграриву саноатӣ пайваста кӯшиш мекунад. Аксари лоиҳаҳои иқтисодӣ ва зерсохтории иҷтимоӣ, энергетикӣ, нақлиётӣ, ки дар Тоҷикистон татбиқ шудаанд ва ё дар ҳоли татбиқ шудан қарор доранд, пулҳое мебошанд, ки Афғонистонро дар ояндаи наздик ҳамчун шарики муҳими иқтисодӣ ва тиҷоратӣ бо минтақаи Осиёи Марказӣ ва берун аз он пайваст хоҳад кард.
Раиси Маҷлиси намояндагон Шукурҷон Зуҳуров дар мулоқот бо Абдулғафури Орзу изҳор кард, ки «Тиҷорат ва транзит дар замони муосир яке аз муҳаррикони муассири иқтисоди ҷаҳонӣ ва омили тақвияти тамосҳои байниинсонию байнифарҳангӣ маҳсуб мешаванд. Аз ин лиҳоз, мо бар ин назар ҳастем, ки долонҳои нақлиётӣ ва масъалаи ҳамлу нақли транзитӣ, бахусус тавассути Афғонистон, набояд ба абзори сиёсӣ табдил ёбанд ва ин мавзӯъҳои ҳассос набояд барои пиёдасозии манфиатҳои кутоҳмуддати сиёсӣ истифода шаванд. Имкониятҳои транзитии Афғонистон бояд барои рушди тиҷорати байниминтақавӣ хидмат кунанд ва ин кишвари дӯст аз тиҷорату транзит ҳамчун абзори муассири инкишофи иқтисодии кишвар ва ҳамкориҳои судманди минтақавӣ истифода кунад. Зеро тақвияти робитаҳои тиҷоратӣ ҳам ба нафъи мардуми Афғонистон ва ҳам ба нафъи рушди босуботи минтақа аст».
Маврид ба ёдоварист, ки сафари нахустини Президенти Афғонистон Муҳаммад Ашраф Ғанӣ ба Тоҷикистон рӯзҳои 10-11-и майи ҳамин сол сурат гирифта буд. Ҳамчунин дар ҳошияи иҷлосияи сарони СҲШ (Созмони Ҳамкории Шанхай) мулоқоти Пешвои миллат, муҳтарам Эмомалӣ Раҳмон бо Президенти Афғонистон Ашраф Ғанӣ 23 июни соли 2016 дар Тошканд баргузор гардид. Дар баробари ин, раиси иҷроияи ҳукумати Афғонистон доктор Абдуллоҳ Абдуллоҳ барои иштирок дар маросими расмии ифтитоҳи амалишавии лоиҳаи КАСА-1000 рӯзҳои 1112 майи соли 2016 ба Душанбе ташриф оварда буд.

Ноябрь 12, 2016 10:45

Хабарҳои дигари ин бахш

Дар Файзобод ба муносибати ҷашни Сада барои ятимону маъюбон барномаи идона доир карданд
ОБУ ҲАВО. Имрӯз дар Тоҷикистон ҳаво рӯзона то 10 дараҷа гарм мешавад
30 январ дар вазоратҳои энергетика ва захираҳои об, кишоварзӣ, фарҳанг ва Хадамоти алоқа оид ба ҷамъбасти соли 2022 нишасти матбуотӣ доир карда мешавад
ОБУ ҲАВО. Имрӯз дар Тоҷикистон ҳавои камабри бебориш дар назар аст
Дар ноҳияи дурдасти Мурғоб корхонаи муосири дӯзандагӣ ба фаъолият оғоз кард
ОБУ ҲАВО. Имрӯз дар шаҳри Душанбе ҳаво рӯзона то 8 дараҷа гарм мешавад
ОБУ ҲАВО. Имрӯз дар ноҳияҳои алоҳидаи Тоҷикистон бориши сусти барф ба амал меояд
Дар вилояти Хатлон амалиёти «Ҳифзи ҳайвоноту парандагони нодир» идома дорад
ОБУ ҲАВО. Имрӯз дар шаҳри Душанбе ҳаво рӯзона 4 дараҷа гарм мешавад
ТАВСИЯҲО БА БОҒДОРОН ДАР ТОҶИКИСТОН: дар рӯзҳои сард аз буридани шохаҳои дарахтон худдорӣ намоед!
ОБУ ҲАВО. Имрӯз дар Тоҷикистон ҳавои абрнок мешавад
ҲАДАФ-ҲИФЗИ ПАРАНДАГОНУ ҲАЙВОНОТ АЗ САРМО. Дар Муъминобод корҳои биотехникӣ гузаронида шуданд