11 бозингари беҳтарини мавсими соли 2016, ки ба ҳайати рамзии дастаҳои мунтахаби Лигаи олӣ ва футзал интихоб шуданд

ДУШАНБЕ, 26.12.2016 /АМИТ «Ховар»/. Дар маросими ҷоизасупории  мавсими соли 2016, ки дар шаҳри Душанбе баргузор гардид, бозингарони беҳтарини мавсими соли 2016-и футбол рамзан ба  ҳайати дастаи мунтахаби Лигаи олӣ ва футзал интихоб шуданд.

Ба ҳамин тартиб дарвозабон Рустам Ризоев («Ҳосилот»), муҳофизатгарон, -Сиёвуш Асроров, Петро Ковалчук, Аҳтам Назаров (аз «Истиқлол»), Эраҷ Раҷабов («Ҳосилот»), нимҳимоятгарон,- Амирбек Ҷӯрабоев, Фатҳулло Фатҳуллоев, Дэвид Мавутор ( «Истиқлол») ва Ромиш Ҷалилов («Регар-ТадАЗ»), ҳамлагарон,- Манучехр Ҷалилов («Истиқлол») ва Аҳтам Ҳамроқулов («Регар-ТадАЗ») ҳайати дастаи мунтахаби Лигаи олиро ташкил доданд ва бо туҳфаҳои хотиравӣ қадрдонӣ шуданд.

Дастаи мунтахаби футзал дар соли 2016 чунин интихоб шуд:

Фирӯз Бекмуродов, Дилшод Саломов («ДИСИ Инвест»), Меҳрубон Тиллозода, Шерзод Ҷумаев («Газпром») ва Сиёвуш Қаюмов («Соро компания»).