Лилия Бурунчук: «Мо ҳавасманди аз ин ҳам беҳтар гардидани сатҳи зиндагии мардуми Тоҷикистон ҳастем»
ДУШАНБЕ, 07.12.2016 /АМИТ «Ховар»/. «Мо ҳавасманди шукуфоии кишвари Тоҷикистон ва аз ин ҳам беҳтар гардидани сатҳи зиндагии мардуми он ҳастем. Дар оянда кумаки худро ба Ҷумҳурии Тоҷикистон мерасонем, то ба дастовардҳои назаррас ноил гардад»,-иброз намуд дар назди хабарнигорон Директори минтақавии Бонки ҷаҳонӣ оид ба Осиёи Марказӣ Лилия Бурунчук имрӯз баъди мулоқот бо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон.
Лилия Бурунчук изҳор дошт, ки бо Президенти Ҷумҳурии Тоҷикистон як суҳбати пурмуҳтаво доир намуданд. Дар доираи суҳбат масъалаи вазъияти иқтисодии имрӯзаи ҷумҳурӣ, мушкилоти мавҷуда ва роҳҳои нави ҳалли ин мушкилот баррасӣ гардиданд.
Директори минтақавии Бонки ҷаҳонӣ оид ба Осиёи Марказӣ зикр кард: «Барои амалӣ намудани чорабиниҳое, ки дар «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Ҷумҳурии Тоҷикистон барои солҳои 2016-2020» дарҷ гардидаанд, барномаҳои мушаххасро амалӣ карда истодаем. Дар оянда ҳам дар ин ҷода кумаки худро давом хоҳем дод».
Директори иҷроияи Маркази рушди Вулфенсон Йоҳаннес Линн, ки дар мулоқот ҳузур дошт, аз сафари нахустинаш, ки соли 1998 сурат гирифта буд, ёдоварӣ намуда, зикр кард, ки: «Ҷумҳурии Тоҷикистон то имрӯз ба дастовардҳои ниҳоят бузург ноил гардидааст. Ман миннатдорам, ки Президенти Ҷумҳурии Тоҷикистон моро қабул намуд. Дар доираи вохӯрӣ мо имкон доштем доир ба имкониятҳо ва мушкилоти Ҷумҳурии Тоҷикистон сухан гӯем».
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
Дар Теҳрон масъалаи таҳвили нафти хом аз Эрон ба Тоҷикистон баррасӣ гардид
Дар фурудгоҳҳои байналмилалии Тоҷикистон таҷҳизоти техникии «Дарвозаҳои электронӣ» насб карда мешавад
Ҳамкории Тоҷикистон ва Испания дар соҳаи сайёҳӣ тақвият меёбад
Бонки миллии Тоҷикистон: «Ба ваъдаҳои дурӯғ дода нашуда, худ ва наздиконатонро аз қаллобони интернетӣ эҳтиёт намоед!»
Татбиқи лоиҳаҳои муштарак дар соҳаи энергетика дар ҷаласаи дуюми Гурӯҳи кории Тоҷикистон ва Ҳиндустон баррасӣ шуд
