Вазорати нақлиёт: Ширкати «Ямал» ҳуқуқи фурӯхтани билетҳоро надошт
ДУШАНБЕ, 21.12.2016 /АМИТ «Ховар»/. Вобаста ба хабарҳое, ки давоми ду рӯзи охир дар расонаҳои иттилоотии Россия оид ба парвози тайёраҳои ширкати «Ямал» бо хатсайри Жуковкий-Душанбе нашр мешаванд, Раёсати авиатсияи Вазорати нақлиёти Ҷумҳурии Тоҷикистон изҳорот қабул кард.
«Раёсати авиатсияи граждании Вазорати нақлиёти Ҷумҳурии Тоҷикистон оид ба ҳодиса иттилоъ медиҳад, ки ширкати «Ямал» бе гирифтани иҷозати парвоз ҳуқуқи фурӯхтани билетҳоро бо хатсайри «Жуковский-Душанбе-Жуковский» надошт. Дар ин бора ба намояндаи ширкати «Ямал» дар Тоҷикистон расман иттилоъ дода шуд. Намояндаи ширкати мазкур дар навбати худ ин иттилоъро ба роҳбарияти ширкат бо мактуб аз 14 декабри соли 2016 расонидааст.
Бо сабаби он ки аз ҷониби Тоҷикистон ширкати дуюми мусофиркашон дар хатсайри мазкур таъйин нашудааст ва бо мақсади нигоҳ доштани баробарӣ (паритет) масъалаи иҷозат додан ба парвозҳои доимӣ ба ширкати «Ямал» дар мавсими зимистони солҳои 2016-2017 аз имкон берун мебошад.
Масъалаи мазкур ҳоло мавриди танзим миёни сохторҳои марбутаи Ҷумҳурии Тоҷикистон ва Федератсияи Россия қарор дорад»,-омадааст дар изҳорот.
Хотиррасон мекунем, ки дирӯз дар расонаҳои иттилоотӣ хабарҳо дар бораи гӯё иҷозат надодани ҷониби Тоҷикистон ба парвози тайёраҳои ширкатҳои Россия паҳн шуда буд.
Дар минтақаи таълимию таҷрибавии «Хуррамзамин» боғи интенсивӣ бунёд мешавад
Аз ҷониби кормандони мақомоти гумрук дар Душанбе муомилоти ғайриқонунии маводи тарфгарӣ пешгирӣ карда шуд
Дар Тоҷикистон баландшавии ҳолати ифлосшавии ҳаво дар назар аст
Дар Донишкадаи давлатии санъати тасвирӣ ва дизайни Тоҷикистон 14 намоиш гузаронида шуд
Ҳавопаймои «Azerbaijan Airlines» дар наздикии шаҳри Актауи Қазоқистон суқут кард
Дар Душанбе масъалаи ҳифзи ҳуқуқҳои шахсони маъюб баррасӣ шуд
«Рақам» барои Суғд. Чӣ тавр МегаФон Тоҷикистон интернети мобилиро дар минтақа рушд медиҳад?
Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд
Кумитаи ҳолатҳои фавқулода ва мудофиаи граждании Тоҷикистон соҳиби 15 техникаи вазнин барои корҳои наҷот гардид
Имрӯз дар Тоҷикистон ҳаво тағйирёбандаи бебориш мешавад
ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
Аёдати беморон ва дидорбинии собиқадорон амали хайр аст
