85 нафар устодону донишҷўён дар доираи амалишавии лоиҳаҳои грантии байналмилалӣ соҳиби диплому сертификат гардиданд
ДУШАНБЕ, 13.01.2017. /АМИТ «Ховар»/. Имрӯз дар Донишгоҳи технологии Тоҷикистон (ДТТ) нишасти матбуотӣ баргузор гардид. Дар ин бора хабарнигори АМИТ «Ховар» хабар медиҳад.
Илҳом Амонзода, ректори Донишгоҳи технологии Тоҷикистон зикр кард, ки шуъбаи робитаҳои хориҷии ДТТ дар соли таҳсили 2016-2017 тавонист дар як зумра лоиҳаҳои грантии Иттиҳоди Аврупо иштирок намуда, мубодилаи байналмилалии донишҷўён ва устодонро таъмин намояд.
«Дар давраи зикргардида зиёда аз 85 нафар устодон ва донишҷўён дар доираи амалишавии лоиҳаҳои грантии байналмилалӣ, аз ҷумла лоиҳаҳои Барномаҳои ТЕМПУС ва Эрасмус Мундуси Иттиҳоди Аврупо, Ташкилоти ҳамкории байналмилалии Олмон (GIZ), LOGO — Кишоварзӣ ва мувозинати экологӣ бо Аврупои Шарқӣ дар таҷрибаомўзӣ, курсҳои бозомўзӣ ва такмили ихтисос иштирок намуда, соҳиби диплому сертификатҳо гардиданд»,- гуфт ректори Донишгоҳи технологии Тоҷикистон.
Ҳоло дар донишгоҳ 12 нафар шаҳрванди хориҷӣ (аз Ҷумҳурии Исломии Афғонистон, Туркманистон, Қирғизистон ва Қазоқистон) таҳсил доранд, ки 5 нафари онҳо тибқи бурсияи Ҳукумати Ҷумҳурии Тоҷикистон ба таҳсил фаро гирифта шудаанд.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
