Дар шаҳри Норак Маркази ҳамкории милитсия бо ҷомеа кушода шуд
ДУШАНБЕ, 24.01.2017./АМИТ «Ховар»/. Дар шаҳри Норак бо иштироки муовини аввали Вазири корҳои дохилии Ҷумҳурии Тоҷикистон Абдураҳмон Аламшозода, Сафири Иёлоти Муттаҳидаи Амрико дар Ҷумҳурии Тоҷикистон хонум Элизабет Миллард, роҳбари Барномаи «Дунёи бехатар» Хирад Каргасов ва масъулини шаҳр Маркази ҳамкории милитсия бо ҷомеа ифтитоҳ ёфт. Дар ин бора мудири шуъбаи рушди иҷтимоӣ ва робита бо ҷомеаи шаҳр Ҳабиба Сафарова ба хабарнигори АМИТ «Ховар» иттилоъ дод.
Маркази мазкур баҳри густариши фаъолияти барномаи Сафорати Иёлоти Муттаҳидаи Амрико «Ҳамкории милитсия бо ҷомеа», ки дар сатҳи ҷумҳуриявӣ амалӣ мегардад, таъсис ёфт. Ҳадафи аслии барномаи мазкур такомул бахшидани имконияти хизматрасонии Вазорати корҳои дохилӣ ба шаҳрвандон бо таъмини риояи ҳуқуқи инсон, баррасии мушкилиҳое, ки имрўзҳо ҷомеаро ба ташвиш меоранд ва баланд бардоштани сатҳи боварии шаҳрвандон ба милитсия мебошад.
Инчунин барои кормандони милитсия ва ҷомеа фазои амнияти воқеӣ ва рӯҳӣ фароҳам гардида, дар он ҷонибҳо ҳамкории хешро беҳтар намуда, бо кумаку дастгирии якдигар роҳҳои ҳалли мушкилотро вобаста ба пешгирии содиршавии ҷиноят, бенизомии ҷамъиятӣ, бехатарӣ ва беҳтар кардани сифати ҳаёти ҷомеаро баррасӣ мекунанд.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
