Дар Суғд барои шахсоне, ки дар солҳои Ҷанги дуюми ҷаҳонӣ дар ақибгоҳ фаъолият кардаанд, кумакпулӣ ҷудо гардид
ДУШАНБЕ, 25.01.2017 /АМИТ «Ховар»/. Бо назардошти хизмати бенуқсони ҳарбӣ ва меҳнати шоиста дар ақибгоҳ, ба муносибати ҷашни 72- солагии Рӯзи Ғалаба дар Ҷанги дуюми ҷаҳонӣ аз 1 январи соли 2017 ба шахсоне, ки дар давраи ҷанг дар хизмати ҳарбӣ буданд ва на кам аз шаш моҳ дар ақибгоҳ кор кардаанд, ба ҳар яке дар як моҳ 80 сомонӣ кумакпулӣ пардохт карда мешавад.
Тавре аз Хадамоти матбуоти Раиси вилояти Суғд хабар доданд, дар ин бора қарори Раиси вилоят ба тасвиб расидааст.
Қарори мазкур ба шахсоне, ки барои хизмати бенуқсони ҳарбӣ ва меҳнати фидокорона дар ақибгоҳ дар солҳои ҷанг бо яке аз медалҳои ҷангӣ сарфароз гардидаанд, ҳуқуқи аз ин кумакпулӣ бархурдор гардиданро медиҳад.
Тибқи ин қарор Шуъбаи Агентии давлатии ҳифзи иҷтимоии аҳолии вилоят вазифадор гардидааст, ки пардохти кумакпулиҳоро аз ҳисоби маблағҳои бо ин мақсад пешбинишуда амалӣ намуда, истифодаи мақсадноку самарабахши онҳоро таъмин намояд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
