Дар Вазорати рушди иқтисод ва савдои ҷумҳурӣ Паёми Пешвои миллат мавриди шарҳу баён қарор гирифт
ДУШАНБЕ, 05.01.2017 /АМИТ «Ховар»/. Имрӯз дар Вазорати рушди иқтисод ва савдои Ҷумҳурии Тоҷикистон бо иштироки роҳбарият ва кормандон суҳбати озод баргузор гардид. Дар ин бора хабарнигори АМИТ «Ховар» иттилоъ медиҳад. Зимни суҳбат бандҳои Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон шарҳ дода шуданд.
Умед Давлатзод, муовини Вазири рушди иқтисод ва савдои Ҷумҳурии Тоҷикистон зимни шарҳи бандҳои Паём чунин гуфт: «Мақсади мазмуну муҳтавои Паёми имсолаи Пешвои миллат ба фарқ аз паёмҳои пешина, пеш аз ҳама, дар он буд, ки он на танҳо як фосилаи кӯтоҳи рушди кишварро дар бар мегирифт, балки фосилаи нисбатан дарозтар ва тӯлонитари рушди иқтисодиву иҷтимоии онро дар бар мегирифт. Аз ин лиҳоз моро лозим аст, ки дар партави Паёми Пешвои миллат фаъолият намуда, ба натиҷаҳои дилхоҳ ва назаррас ноил гардем».
«Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии кишвар соли 2017-ро соли ҷавонон эълон карданд. Ин иқдоми наҷибро мо, ҷавонон ҷониборӣ менамоем ва масъулияти худро ба хубӣ дарк мекунем»,- иброз дошт Барно Ёрова, мутахассиси пешбари Раёсати саноат ва инфрасохтори Вазорати рушди иқтисод ва савдои Ҷумҳурии Тоҷикистон.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
