«Донишномаи Камоли Хуҷандӣ» ба нашр мерасад

ДУШАНБЕ, 06.01.2017 /АМИТ «Ховар»/. Давоми солҳои 2019-2020 аз ҷониби Муассисаи давлатии «Маркази илмии Камоли Хуҷандӣ» китоби «Донишномаи Камоли Хуҷандӣ» ба нашр мерасад. Дар ин бора аз Хадамоти матбуоти Раиси вилояти Суғд хабар доданд.
Ба гуфтаи Фахриддин Насриддинов, директори Муассисаи давлатии «Маркази илмии Камоли Хуҷандӣ», китоби «Донишномаи Камоли Хуҷандӣ» ҷомеъ хоҳад буд ва дар он чопи бештар аз 3000 мақола дар назар аст.
Ба иттилои манбаъ, зимнан соли 2016 аз ҷониби ходимони илмии муассиса 18 дастхат ва китобҳои нодири «Хона-музейи Камоли Хуҷандӣ» таҳия ва чопи инфиродӣ шуданд, ки «Шавоҳид-ун-нубувват»-и Абдураҳмони Ҷомӣ, «Рашаҳот»-и Фахриддин Алии Сафӣ, «Тўтинома»-и Зиёи Нахшабӣ, «Девон»-и Аҳмади Ҷомӣ, «Армуғони Хислат», «Рисолаҳо дар андарзу ҳикмат», «Хористон»-и Маҷди Хофӣ аз ҷумлаи муҳимтарини онҳо мебошанд.