Гулнора Ҳасанзода: «Пешниҳоди ҳисоботи электронӣ дар ҳамаи минтақаҳои ҷумҳурӣ ҷорӣ карда шудааст»
ДУШАНБЕ, 26.01.2017. /АМИТ «Ховар»/. Дар соли 2016 аз ҷониби 1006 нафар шахсони масъули корхонаву муассисаҳо содир намудани ҳуқуқвайронкунии маъмурӣ ба қайд гирифта шудааст. Ин нуктаро имрӯз зимни нишасти матбуотӣ директори Агентии омори назди Президенти Ҷумҳурии Тоҷикистон Гулнора Ҳасанзода иброз намуд. «Дар соли 2016 тибқи нақшаи корҳои маҷмӯӣ аз ҷониби мақомоти маҳаллии оморӣ 1765 санҷиши эътимоднокии маълумоти оморӣ гузаронида шуда, дар натиҷа нисбат ба 1006 нафар шахсони масъули корхонаву муассисаҳо ба маблағи умумии 279,4 ҳазор сомонӣ барои содир намудани ҳуқуқвайронкунии маъмурӣ ҷаримаи маъмурӣ таъйин карда шуд»,-гуфт Г. Ҳасанзода.
Инчунин тиқби нақшаи кори Агентии омори назди Президенти Ҷумҳурии Тоҷикистон дар соли 2017 ҳисоботи омории соҳаҳои савдо, хизматрасонӣ ва сохтмон низ бо усули электронӣ ба роҳ монда мешаванд.
Бояд гуфт, ки аз моҳи сентябри соли 2016 инҷониб пешниҳоди хисоботи электронӣ дар ҳамаи минтақаҳои ҷумҳурӣ ҷорӣ карда шудааст.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
