«Иқтидори иқтисодии захираҳои гидроэнергетикаи Тоҷикистон»- конфронси илмӣ дар Хуҷанд

ДУШАНБЕ, 06.01.2017. /АМИТ «Ховар»/. Дар Донишкадаи иқтисод ва савдои ДДТТ дар шаҳри Хуҷанд бахшида ба қабули қатъномаи Маҷмааи Умумии СММ «Даҳсолаи байналмилалии амал «Об барои рушди устувор», солҳои 2018-2028 дар мавзӯи «Об барои рушди устувор» конфронси илмӣ-назариявӣ баргузор гардид.
Тавре аз Хадамоти матбуотии вилояти Суғд хабар доданд, дар конфронс муовини ректори донишкада оид ба илм ва инноватсия, доктори илми иқтисод, профессор Тӯрақул Ризоқулов перомуни ҷанбаҳои илмӣ ва назариявии Даҳсолаи байналмилалии амал «Об барои рушди устувор», солҳои 2018-2028 ва саҳми Тоҷикистон, махсусан Пешвои миллат, Президенти кишвар муҳтарам Эмомалӣ Раҳмон ҷиҳати ташаббус ва роҳандозии ин барнома сухан гуфт.
Дар конфронс дар мавзӯъҳои «Нақши Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон дар қабули қатъномаи СММ оид ба Даҳсолаи байналмилалии амалиёти «Об барои рушди устувор», «Ҷанбаҳои иҷтимоии Даҳсолаи амалиёти «Об барои рушди устувор», «Иқтидори иқтисодии захираҳои гидроэнергетикаи Тоҷикистон» , «Амалишавии барномаҳои давлатӣ дар самти истифодаи оқилонаи об дар Ҷумҳурии Тоҷикистон» маърӯзаҳои илмии олимон шунида шуданд.