Илҳом Амонзода: «Донишгоҳи технологии Тоҷикистон аз аввалинҳо шуда низоми кредитиро ба роҳ монд»

ДУШАНБЕ, 13.01.2017. /АМИТ «Ховар»/. Донишгоҳи технологии Тоҷикистон ягона донишгоҳ дар Ҷумҳурии Тоҷикистон мебошад, ки мутахассисони рақобатпазирро дар риштаи технологияи саноати сабук ва хўрокворӣ тайёр менамояд. Донишгоҳ яке аз аввалин шуда, дар ҷараёни таҳсил низоми кредитиро ба роҳ мондааст. Дар ин бора Илҳом Амонзода, ректори Донишгоҳи технологии Тоҷикистон имрӯз зимни нишасти матбуотӣ хабар дод.
Номбурда илова намуд, ки донишгоҳ аз рўи 49 ихтисос дар зинаи бакалавр, аз рўи 41 ихтисос дар зинаи магистратура мутахассис тайёр карда, аз рўи 9 самти илмӣ аспирант ва аз рўи 10 самти илмӣ докторант бо  ихтисоси PhD омода  мекунад.
«Айни замон дар донишгоҳ 295 нафар омўзгорон, аз ҷумла 2 академик, 15 нафар докторони илм ва 113 нафар профессорон, дотсентон ва номзадҳои илм ба фаъолияти меҳнатӣ фаро гирифта шудаанд»,- иброз дошт  Илҳом Амонзода.