Мавқеи Тоҷикистон дар раддабандии ФИФА тағйир ёфт

ДУШАНБЕ, 13.01.2017/АМИТ «Ховар»/. Тоҷикистон дар раддабандии нави FIFA (Федератсияи байналмилалии футбол), ки 12 январ нашр шуд, мавқеашро дигар карда, се зина поён рафт ва дар байни 211 кишвар бо 231 имтиёз дар мавқеи 132-юм қарор гирифт.
Миёни дастаҳои КФО (Конфедератсияи футболи Осиё) Тоҷикистон дар мақоми 21-ум мебошад.  Эрон мисли пешина дар ҷойи аввал (дар ҷаҳон 29-ум), Кореяи Ҷанубӣ дар ҷойи дуюм (дар ҷаҳон 37-ум) ва Австралия дар ҷойи сеюм (дар ҷаҳон 44-ум) қарор доранд.
Дар садри раддабандии ФИФА тағйирот ба назар намерасад. Дастаи мунтахаби Аргентина  бо 1634 имтиёз дар ҷойи аввал, дастаи мунтахаби Бразилия (1544 имтиёз) дар ҷойи дуюм ва тими Олмон (1433 имтиёз) дар ҷойи сеюм мавқеъ гирифтаанд.
Аз байни кишварҳои пасошӯравӣ дар таснифоти нав Украина (30-юм), Россия (56-ум) ва Ӯзбекистон (61-ум) дар се зинаи авваланд. Дастаи мунтахаби Тоҷикистон дар ин ҷадвал  аз Туркманистон (143) ва Молдова (164) пеш аст.