Пагоҳ роҳбарони Академияи илмҳо, Кумитаи ҷавонон, варзиш ва сайёҳӣ ва «Хоҷагии манзилию коммуналӣ» ба саволҳои рӯзноманигорон ҷавоб мегӯянд

ДУШАНБЕ, 11.01.2017 /АМИТ «Ховар»/. Пагоҳ, 12 январи соли 2017 Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Академияи илмҳои Ҷумҳурии Тоҷикистон ва Корхонаи воҳиди давлатии «Хоҷагии манзилию коммуналӣ» нишасти матбуотӣ баргузор мекунанд. Зимни нишастҳо роҳбарони ин ниҳодҳо аз дастовард ва камбудиҳои соҳаи худ ба хабарнигорони ВАО гузориш медиҳанд.
Маврид ба зикр аст, ки нишасти матбуотии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон соати 9-00, Академияи илмҳои Ҷумҳурии Тоҷикистон соати 10:30 ва Корхонаи воҳиди давлатии «Хоҷагии манзилию коммуналӣ» соати 14:00 дар толори маркази матбуоти ҷумҳуриявии АМИТ «Ховар» баргузор мегарданд.
Барои гузаронидани нишастҳои матбуотӣ вазорату идораҳо метавонанд бо маркази матбуоти АМИТ «Ховар» бо рақами телефони 918-21-52-04 тамос гиранд.