Пагоҳ роҳбарони «Тоҷикаэронавигатсия» ва Хадамоти зиддиинҳисорӣ бо рӯзноманигорон суҳбат мекунанд

ДУШАНБЕ, 25.01.2017 /АМИТ Ховар/. Пагоҳ, 26 январи соли равон тибқи нақшаи тасдиқшуда нишастҳои матбуотии Донишкадаи идоракунии давлатии назди Президенти Ҷумҳурии Тоҷикистон, КВД «Тоҷикаэронавигатсия», Хадамоти зиддиинҳисорӣ ва Агентии омори назди Президенти Ҷумҳурии Тоҷикистон баргузор мегарданд. Зимни нишастҳо роҳбарони ин ниҳодҳо аз дастовард ва камбудиҳои соҳаи худ ба хабарнигорони ВАО гузориш медиҳанд.
Ёдовар мешавем, ки нишасти матбуотии Донишкадаи идоракунии давлатии назди Президенти Ҷумҳурии Тоҷикистон соати 9:00 дар толори Маркази матбуоти ҷумҳуриявии Агентии миллии иттилоотии Тоҷикистон «Ховар», нишасти КВД «Тоҷикаэронавигатсия» соати 9:00 дар бинои Фурудгоҳи байналмилалии Душанбе, Хадамоти зиддиинҳисорӣ соати 11:00 дар бинои Хадамот (собиқ бинои Вазорати мелиоратсия) ва Агентии омори назди Президенти Ҷумҳурии Тоҷикистон соати 14:00 дар толори Маркази матбуоти ҷумҳуриявии Агентии миллии иттилоотии Тоҷикистон «Ховар» доир мегарданд.
Барои гузаронидани нишастҳои матбуотӣ вазорату идораҳо метавонанд бо маркази матбуоти АМИТ «Ховар» бо рақами телефони 918-21-52-04 тамос гиранд.