Раиси Суди Олии Ҷумҳурии Тоҷикистон: «Эроди Сарвари давлат оид ба иҷро нагардидани қарорҳои судӣ мавриди баррасӣ қарор дорад»

Январь 16, 2017 17:25

Душанбе, 16.01.2017. /АМИТ «Ховар»/.  Сари вақт иҷро нагардидани қарорҳои судӣ аз тарафи мақомоти судии кишвар роҳбарияти ин мақомотро ба ташвиш овардааст. Дар ин бора зимни нишасти хабарӣ Раиси Суди Олии Ҷумҳурии Тоҷикистон Шермуҳаммад Шоҳиён изҳори нигаронӣ намуда, зикр намуд, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар Паёми имсолаи худ ба Маҷлиси Олии Ҷумҳурии Тоҷикистон оид ба таъмини иҷрои қарорҳои судӣ эроди ҷиддӣ гирифтанд.
Ба иттилои Шермуҳаммад Шоҳиён, то соли 2007 иҷрои санадҳои қарорҳои судӣ пурра аз ҷониби мақомоти судӣ таъмин мегардид, аммо бо назардошти ислоҳоти сохторӣ масъалаи иҷрои санадҳои мазкур ба зиммаи Вазорати адлия вогузор гардид ва оид ба истеҳсолоти иҷро  Қонуни алоҳида низ қабул гардид.
«Тибқи ин Қонун  иҷрои як қисмати санадҳои судӣ ба мақомоти мо вобаста карда шуд. Таҷриба нишон дод, ки дар ин самт ҳам аз тарафи мақомоти судӣ ва ҳам аз тарафи сохторҳои дахлдори Вазорати адлия камбудиҳо хеле зиёданд», иқрор шуд ӯ.
«Ба ҳама маълум аст, ки вақте қарори суд сари вақт иҷро намегардад, эътимоди мардум  паст мешавад  ва дар давоми соли ҷорӣ омӯзиши ҳаматарафаи иҷро нагардидани қарорҳои судӣ мавриди баррасӣ қарор гирифта, роҳи дурусти ҳалли ин масъала ба Сарвари давлат пешниҳод хоҳад шуд»,- илова намуд Раиси Суди Олӣ.

Январь 16, 2017 17:25

Хабарҳои дигари ин бахш

Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
«МегаФон Life» – доимо дар алоқа, ҳатто вақте ки паёмрасонҳои муқаррарӣ дастнорасанд
Имрӯз дар шаҳри Душанбе ҳаво то 36 дараҷа гарм мешавад
Дар хоҷагиҳои кишоварзии Ҳисор маъракаи пахтачинӣ оғоз гардид
Дар Иссиқкӯл Бозиҳои XXIV байналмилалии варзишии кишварҳои ИДМ ва СҲШ баргузор мешаванд
Имрӯз дар водиҳои Тоҷикистон ҳаво то 38 дараҷа гарм мешавад
Дар Мастчоҳ вохӯрии вакили Маҷлиси намояндагон бо интихобкунандагон доир шуд
Мутахассисони алоқа «таҳаввулоти рақамӣ» пешбинӣ менамоянд
Олимони тоҷик аз қитъаҳои заминҳои таҷрибавӣ дар Яғноб ҳосили хуб гирифтанд
Имрӯз дар ноҳияҳои кӯҳии Тоҷикистон ҳаво то 30 дараҷа гарм мешавад
Дар шаҳри Бӯстон бахшида ба соли нави таҳсил ҳамоиш доир шуд