«Реал» рекорди «Барселона»-ро дигар кард

ДУШАНБЕ, 13.01.2017/АМИТ «Ховар»/. КФ «Реал»-и Мадрид дар бозии 1/8 ниҳоии Ҷоми Испания бо КФ«Севиля» натиҷаи мусовии 3:3-ро комёб гардида, рекорди КФ «Барселона»-ро аз рӯи силсилаи бозиҳои бебохт дигар кард. Агар «Барселона» дар мавсими футболи соли 2015 дар 39 вохӯрии пайдарпай мағлуб нашуда бошад, пас «Реал» ин натиҷаро ба 40 адад расонд ва шояд рӯзҳои наздик он боз ҳам беҳтар гардад.

Ёдрас мешавем, ки дар бозӣ барои Ҷоми Испания то дақиқаи 83-юм «Севиля» бо ҳисоби 3:1 дар сафи пеш буд. «Реал»-ро голҳои Рамос (82, пеналтӣ) ва Бензема (90+3) аз бохт наҷот доданд.