Роҳҳои самарабахши баланд бардоштани сифати таҳсилот дар муассисаҳои таҳсилоти миёнаи умумӣ

ДУШАНБЕ, 20.01.2017. /АМИТ «Ховар»/. Имрӯз Раёсати Академияи таҳсилоти Тоҷикистон дар ҳамкорӣ бо шуъбаи маорифи шаҳри Роғун дар мавзӯи «Роҳҳои самарабахши баланд бардоштани сифати таҳсилот дар муассисаҳои таҳсилоти миёнаи умумӣ» конфронси илмию амалӣ шурӯъ кард.
Тавре аз Академияи таҳсилоти Тоҷикистон хабар доданд, конфронс дар Муассисаи таҳсилоти миёнаи умумии №2-и шаҳри Роғун доир гардида, дар он мавзӯъҳои «Омилҳои баландбардории сифати таҳсилот дар шароити кунунӣ», «Роҳу усулҳои беҳтар намудани сифати таҳсилот дар муассисаи таҳсилоти миёнаи умумӣ, «Муносибати навгонӣ дар инкишофи зеҳни хонандагон», «Нақши оила дар баланд бардоштани сифати таҳсилоти хонандагон» баррасӣ мегарданд.