ҶСП «Фононбонк» ба ҶСК «Фононбонк» табдил ёфт

ДУШАНБЕ, 07.01.2017. /АМИТ «Ховар»/. 29 декабри соли 2016 ба Ҷамъияти саҳҳомии кушодаи (ҶСК) «Фононбонк» барои анҷом додани амалиёти бонкӣ бо пули миллӣ ва асъори хориҷӣ иҷозатнома дода шуд.
Дар ин бора ба АМИТ «Ховар» аз маркази матбуоти Бонки миллии Тоҷикистон хабар дода, зикр намуданд, ки ин тадбир дар асоси моддаи 42 Қонуни Ҷумҳурии Тоҷикистон «Дар бораи Бонки миллии Тоҷикистон» ва моддаҳои 7, 10 Қонуни Ҷумҳурии Тоҷикистон «Дар бораи фаъолияти бонкӣ» андешида шуд.
Манбаъ ҳамчунин иттилоъ дод, ки мутобиқи ин қарор Иҷозатномаи Ҷамъияти саҳҳомии пӯшидаи (ҶСП) «Фононбонк» аз таърихи 23 апрели соли 2013 бинобар иваз шудани номгузории ташкилот аз эътибор соқит гардид.
Дар робита ба ин, ба Департаменти назорати бонкӣ ва Идораи низоми пардохти Бонки миллии Тоҷикистон супориш дода шуд, ки дар Феҳристи ташкилоти қарзӣ ва Маълумотномаи «Рамзҳои мушаххаси бонкии ташкилоти қарзии Ҷумҳурии Тоҷикистон» сабтҳои дахлдорро ворид намоянд.