«Тоҷик Эйр» ба кӯдакони мубталои бемориҳои онкологӣ ва қалб кумак мекунад
ДУШАНБЕ, 07.01.2017. /АМИТ «Ховар»/. Шурӯъ аз соли нави 2017 аз ҳар чиптаи ҳавопаймои ширкати «Тоҷик Эйр» 2 сомонӣ ба суратҳисоби Фонди хайриявии ширкат гузаронида мешавад. Маблағи дар натиҷаи иқдоми мазкур ғуншуда барои кумак ба кӯдакони 12 солае харҷ мегардад, ки мубталои бемориҳои онкологӣ ва қалб мебошанд.
Тавре котиби матбуотии ҶСК «Тоҷик Эйр», Азиз Хайруллоев ба хабарнигори АМИТ «Ховар» иброз намуд, дастгирии шахсони ниёзманд, бемор ва камбизоат яке аз самтҳои фаъолияти иҷтимоии ширкат аст. Зеро солимӣ, табъи болида ва саводнокии кӯдакон кафолати ояндаи нек аст.
«Ширкати миллии ҳавопаймои Тоҷикистон «Тоҷик Эйр» фаъолияти иҷтимоиашро дар соли нав аз иқдоми «Накӯӣ ҳадя намо!» барои ёрӣ ба кӯдакони то синни 12-солаи мубталои бемориҳои онкологӣ ва қалб оғоз кардааст. Тибқи анъанаи накӯ дар Соли нав одамон ба якдигар туҳфаҳо ҳадя карда, хабари хуш мерасонанд ва бо ҳамин восита табъи дӯстонашонро хуш мегардонанд. Туҳфаи беҳтарин барои ҳар кас солимӣ аст. Мо ба оилаҳое кумак мерасонем, ки ба мо барои харидани доруворӣ муроҷиат мекунанд»,-зикр кард Азиз Хайруллоев.
Қайд кардан бамаврид аст, ки ҶСК «Тоҷик Эйр» мавқеи устувори иҷтимоӣ дошта, ба хонаҳои кӯдакон ва ташкилоти муҳтоҷ мунтазам кумакҳои башардӯстона мерасонад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
