Волидони зиёда аз 15 ҳазор кӯдакони ноҳияи Файзобод хоҳони кӯдакистонанд
ФАЙЗОБОД, 25.01.2017. /АМИТ «Ховар»/. Волидони зиёда аз 15 ҳазор кӯдакони ноҳияи Файзобод мехоҳанд фарзандонашон дар кӯдакистонҳо тарбияю таълим гиранд, вале кам будани муассисаҳои томактабӣ барои кӯдакон мушкилӣ пеш овардааст. Аз ин хотир дар ҷамоатҳои деҳоти Бӯстон, Меҳробод ва Мискинободи ноҳия дар соли 2017 се кӯдакистон ба истифода дода мешаванд. Ин нуктаро раиси ноҳияи Файзобод Миралӣ Раҷабзода зимни нишасти матбуотӣ иброз намуд.
«Бо ташаббуси саховатмандону сокинони ноҳия бо маблағи 59 ҳазор сомонӣ ва аз ҳисоби буҷаи маҳаллӣ 150 ҳазор сомонӣ дар шоҳроҳи Ваҳдат- Лахш корҳои ҳамворсозии талу теппаҳо иҷро гардид. Дар ноҳия 82 ҳазор дарахтони ороишию мевадиҳанда шинонида шуданд. Дар масоҳати 3,5 километр дар кӯчаи марказии ноҳия хати равшаннамоӣ мавриди истифода қарор дода шуд», -изҳор дошт раиси ноҳия.
Миралӣ Раҷабзода ҳамчунин зикр кард, ки дар соли 2016 дар ҳудуди ноҳия 1705 ҷойи нави корӣ, аз ҷумла 461 ҷойи кори доимӣ, 758 ҷойи корӣ мавсимӣ ва 486 ҷойи кори муваққатӣ таъсис дода шуданд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
