Дар Бадахшон ғолибони озмуни «Китобхони беҳтарин» муайян шуданд
ХОРУҒ, 24.02.2017 /АМИТ«Ховар»/. Дар озмуни имсолаи «Китобхони беҳтарин» аз муассисаҳои таълимии шаҳри Хоруғ 520 нафар кӯдакону наврасон ширкат варзиданд. Эраҷ Ҷонмирзоев, сардори Раёсати маорифи ВМКБ дар маросими супурдани туҳфаҳо ба ғолибон гуфт, ки «соли шашум аст ин озмун баргузор мегардад ва сол аз сол шумораи иштирокдорони он афзоиш меёбад. Ҳадафу мароми озмун бештар ҷалб кардани таваҷҷуҳи кӯдакону наврасон ба мутолиаи китоб мебошад. Зеро бо рушди бесобиқаи технилогияи муосир дар чанд соли охир фарҳанги китобу китобхонӣ дар канор монд. Ин ба коҳиши саводи хаттию шифоҳии хонандагон оварда расонд. Ҳангоми санҷиши корҳои хаттӣ ин масъала баръало эҳсос мешавад. Умедворем, ки озмуни мазкур ба боло бурдани сатҳи дониши хаттӣ ва шифоҳии хонандагон кумаки назаррас мерасонад».
Имсол дар барномаи озмун тағйирот ворид шуда, мутобиқи он хонандагон бояд пас аз мутолиаи китоб дар асоси мазмуни он филми кӯтоҳ таҳия кунанд.
Дар озмун панҷ филми кӯтоҳи бадеӣ дар ҳаҷми аз 5 то 10 дақиқа пешниҳод гардида, филми хонандагони литсеи Оғохон аз рӯи асари нависандаи рус А.П. Чехов «Қаҳри кӯдакӣ» мақоми аввалро гирифт. Омӯзгори литсеи мазкур Заррина Шерғозиева зикр кард, ки филми мазкур на танҳо барои кӯдакон, балки барои волидони онҳо низ аҳамияти хуби тарбиявӣ дорад. Зеро филм ба ҳаёти як оила бахшида шудааст, ки нисбат ба кӯдаки худ беэҳтиноӣ ва беэҳтиромӣ зоҳир мекунанд. Ба суолаш посух намедиҳанд, дар сари мизи хӯрок ӯро сарзаниш мекунанд, чун меҳмон ояд, аз хона берунаш мекунанд. Дар анҷом Раёсати маорифи ВМКБ ва маъмурияти литсеи Оғохон ба 25 нафар ғолибони озмун туҳфаҳои хотиравӣ тақдим намуданд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
