Ҷон бохтани ду сокини ҷамоати Вери ноҳияи Шуғнон бар асари тармафуроӣ ва шикастани яхпора дар рӯдхонаи Ғунд. Барфу тарма боз роҳро ба рӯи нақлиёт баст
ХОРУҒ, 07.02.2017. /АМИТ «Ховар»/. Боришоти шадиди рӯзҳои охир дар ВМКБ на танҳо ба рафтуомади одамон ва ҳаракати мошинҳои мусофирбару боркаш монеа эҷод мекунад, балки боиси ба ҳалокат расидани ду нафар гардид. Ин ду ҳодиса дар ҷамоати Вери ноҳияи Шуғнон рух доданд. Раиси ин ҷамоат Носир Суриев гуфт, ки як нафар ҳангоми аз боми хона фаромадан зери тарма монду дуюмӣ кӯдаки панҷсола мебошад, ки дар соҳили дарё бозӣ карда, зери пояш яхпора шикаста, даруни об рафтааст. Ба гуфтаи раиси ҷамоат, водии Ғунд беш аз 3 ҳазор метр аз сатҳи баҳр баланд аст ва қабати барф зимистони имсола то яку ним метр расид. Куҳансолони деҳа мегӯянд, ки чунин боришот ва тармафароиро танҳо дар соли 1969 мушоҳида кардаанд.
Дар ҳамин ҳол роҳсозон барои кушода нигоҳ доштани роҳи Хоруғ- Мурғоб- Кулма аз тамоми неруи корӣ ва имконоти техникии худ истифода мебаранд. Сармуҳандиси Муассисаи давлатии нигаҳдории роҳҳои мошингарди ин минтақа Имомдод Мамадфозилов гуфт, ки чанд рӯз пеш роҳро кушодем, аммо боз имрӯз 15 тарма фаромада, роҳ дуюмбора баста шуд.
Бар уҳдаи ин муассиса таъмиру тармими зиёда аз 200 километр роҳ вогузор шудааст ва дар як муддати кӯтоҳ пок кардани он аз барфу тарма мушкил аст. Бинобар ин ширкатҳои сохтмонии маҳаллӣ низ техникаву механизмҳояшонро дар ихтиёри ин муассиса гузоштанд. Сармуҳандиси муассиса гуфт, ки ҳоло 50 километр роҳи мошингард ба самти шаҳри Хоруғ боз шуда, ҳанӯз наздик ба 70 километри он зери тарма ва барф қарор дорад.
Агар тармафуроӣ қатъ шавад, дар давоми ду рӯзи оянда ин роҳ аз сари нав кушода мешавад.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
