Паёми Пешвои миллат- роҳнамои кормандони Маркази эҷодии «Илҳом»

ДУШАНБЕ, 10.02.2017 /АМИТ «Ховар»/. Дар Муассисаи давлатии «Маркази эҷодии «Илҳом» оид ба баррасӣ ва омӯзиши Паёми Асосгузори сулҳу ваҳдати миллӣ, Пешвои миллат, Президенти кишвар Эмомалӣ Раҳмон ба Маҷлиси Олии кишвар ҷаласа баргузор гардид.
Нуралӣ Шоев, директори муассиса оид ба нуктаҳои муҳими Паёми навбатии Пешвои миллат иброз дошт, ки Паёми Роҳбари давлат дар бораи самтҳои асосии сиёсати дохиливу хориҷии мамлакат баъди ҷашни 25-солагии Истиқлолияти кишварамон дар даврае пешниҳод гардид, ки кишвари мо ба марҳилаи нави рушд ворид гардидааст.
«Масъалаҳои баррасигардида ва дастуру супоришҳои имрӯза, пеш аз ҳама, ба ҳифзи сулҳу субот, Ваҳдати миллӣ, ҳимояи Истиқлолияти давлатӣ ва дастовардҳои халқи тоҷик равона гардидаанд. Бо кӯшишу талоши ҳамаи мо мушкилоти ҷомеа ва давлатамон дар ояндаи наздик бартараф гардида, кишвари мо ба як мулки ободу зебо табдил хоҳад ёфт», — зикр намуд Нуралӣ Шоев.