Сафири Тоҷикистон бо Роҳбари минтақавии дипломатияи боздоранда масоили ҳамкории СММ ва ниҳодҳои онро баррасӣ кард

ДУШАНБЕ, 14.02.2017 /АМИТ «Ховар»/. 13 феврали соли 2017 дар бинои Сафорати Ҷумҳурии Тоҷикистон бо хоҳиши Маркази минтақавии дипломатияи боздоранда барои Осиёи Марказӣ дар Ашқобод вохўрии Сафири Ҷумҳурии Тоҷикистон дар Туркманистон Фаррух Шарифзода бо Намояндаи махсуси Котиби Генералии СММ, Роҳбари ин Марказ Петко Драганов баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, зимни мулоқот ҷонибҳо масоили ҳамкории СММ ва ниҳодҳои он бо Тоҷикистон, аз ҷумла ҳамкорӣ дар чаҳорчўби қатъномаи Даҳсолаи байналмилалии амал «Об барои рушди устувор», 2018-2028, вазъияти фавқулодаи ба амаломада дар минтақаҳои аз офатҳои табиӣ зарардидаи Тоҷикистон ва мубориза алайҳи терроризмро мавриди баррасӣ қарор доданд.