«Созандагони Ватан» озмуни «Ватанпарвар» доир мекунанд

ДУШАНБЕ, 09.02.2017. /АМИТ «Ховар»/. Бо ташаббуси Ташкилоти ҷамъиятии ҷавонон «Созандагони Ватан» бо мақсади тарбия намудани ҷавонон дар рӯҳияи ватандӯстӣ, гиромидошт ва ҳифзи дастовардҳои Истиқлолияти давлатии Ҷумҳурии Тоҷикистон, омода намудани толибилмони синфҳои болоии муассисаҳои таълимӣ баҳри ҳифзи марзу буми Ватан, ба роҳ мондани тарбияи ҳарбӣ-ватандӯстӣ байни ҷавонон бахшида ба 24-умин солгарди ташкили Артиши миллии Ҷумҳурии Тоҷикистон байни хонандагони синфҳои болоии муассисаҳои таълимии шаҳри Қӯрғонтеппа озмуни ҳарбӣ- ватандӯстии «Ватанпарвар» оғоз гардид.
Тавре аз намояндагии Ташкилоти ҷамъиятии ҷавонон «Созандагони Ватан» дар вилояти Хатлон хабар доданд, озмуни мазкур то Рӯзи Артиши миллии Ҷумҳурии Тоҷикистон идома ёфта, дар он хонандагони синфҳои болоии муассисаҳои таълимии шаҳру ноҳияҳои вилояти Хатлон фаро гирифта мешаванд.