То охири ҳафта дар аксар ноҳияҳои ҷумҳурӣ боридани борону барф дар назар аст
ДУШАНБЕ, 15.02.2017. /АМИТ «Ховар»/. Мутахассисони Агентии обуҳавошиносии Тоҷикистон то охири ҳафтаи равон дар аксари ноҳияҳои ҷумҳурӣ боридани борони пуршиддат ва барфро пешгӯӣ менамоянд.
Тавре ба АМИТ «Ховар» аз Агентии мазкур хабар доданд, имшаб, 15 феврал дар ноҳияҳои Муъминобод, Шамсиддини Шоҳин, Тавилдара ва Дарвоз борони пуршиддат ва барф пешгӯӣ мешавад .
16 феврал дар қаламрави ҷумҳурӣ ҳавои тағйирёбандаи бебориш дар назар дошта шуда, дар ноҳияҳои кӯҳӣ боридани борони кӯтоҳмуддат аз эҳтимол дур нест. 17 феврал низ дар ноҳияҳои кӯҳии вилояти Суғд ва навоҳии тобеи марказ, аз ҷумла шаҳри Душанбе ҳавошиносон боридани борони пуршиддатро пешгӯӣ менамоянд.
Бино ба иттилои Агентӣ, 18 феврал дар ноҳияҳои Данғара, Ҳамадонӣ, Восеъ, Кӯлоб, Фархор, Ховалинг, Муъминобод, Шамсиддини Шоҳин, Тавилдара, Дарвоз, Ванҷ, Рӯшон борони ниҳоят шиддатнок ва барф дар назар дошта шудааст.
19 феврал дар ҳамин ноҳияҳо ва шаҳрҳои Хоруғ, Ишкошим, Шуғнон ва минтақаи Рашт барфи пуршиддат пешгӯӣ мешавад.
Аз 14 то 16 феврал дар роҳҳои мошингарди Душанбе-Хуҷанд, Душанбе-Лахш, Душанбе-Рашт, Душанбе-Сангвор, Душанбе-Хоруғ, Рӯшон-Хоруғ, Хоруғ-Ишкошим, Хоруғ-Мурғоб эҳтимоли яхбандӣ ва дар минтақаҳои дигар ғарами барф ва хатари лағзиши тарма вуҷуд дорад.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
