Ян Ҳамачек бо ҳайати баландпояи Чехия озими Тоҷикистон мегардад
ДУШАНБЕ, 07.02.2017/АМИТ «Ховар»/. Ян Ҳамачек, раиси палатаи вакилони Парлумони Ҷумҳурии Чехия 10 феврал бо як ҳайати баландпояи парлумонӣ бо сафари расмӣ озими пойтахти Тоҷикистон- шаҳри Душанбе мегардад. Дар ин хусус ба АМИТ «Ховар» аз Дастгоҳи иҷроияи Президенти Ҷумҳурии Тоҷикистон иттилоъ доданд.
Интизор меравад, ки Ян Ҳамачек, раиси палатаи вакилони Парлумони Ҷумҳурии Чехия зимни сафари расмӣ ба Тоҷикистон бо роҳбарияти баландпояи Тоҷикистон, Президенти Ҷумҳурии Тоҷикистон Эмомалӣ Раҳмон, Раиси Маҷлиси миллӣ Маҳмадсаид Убайдуллоев ва Раиси Маҷлиси намояндагон Шукурҷон Зуҳуров мулоқот намуда, масоили таҳкими муносиботи гуногунсоҳаи Тоҷикистону Чехия ва дурнамои тавсеаи равобити парлумонии байни ду кишварро матраҳ хоҳад кард.
Ян Ҳамачек ҳамчун рамзи эҳтиром ба таърих ва тамаддуни миллати тоҷик дар пояи муҷассамаи нахустин Асосгузори давлати миллии тоҷикон- шоҳ Исмоили Сомонӣ, воқеъ дар майдони «Дӯстӣ»-и Душанбе гулчанбар гузошта, инчунин аз марказҳои фарҳангию таърихии Тоҷикистон, назири «Кохи Наврӯз», Осорхонаи миллии Тоҷикистон боздид менамояд. Ҳамзамон раиси палатаи вакилони Парлумони Чехия ба шаҳри бостонии Ҳисор сафар намуда, Қалъаи Ҳисорро тамошо мекунад.
Дар доираи сафари расмиаш ба Тоҷикистон Ян Ҳамачек дар маросими ифтитоҳи Анҷумани доираҳои иқтисодӣ, сармоягузорӣ ва соҳибкорони Тоҷикистону Чехия, ки баргузории он 10 феврал дар Душанбе дар назар аст, иштирок менамояд.
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
Дар шаҳри Бӯстон бо ҷавонони фаъол оид ба тарбияи ватандӯстии шаҳрвандон вохӯрӣ доир шуд
Деҳқонони шаҳри Ҳисор нақшаи ҷамъоварии пахтаро пурра иҷро намуданд
Имрӯз дар баъзе ноҳияҳои кӯҳии Тоҷикистон бориши борон дар назар аст
Сокини деҳаи Деваштичи шаҳри Панҷакент бо истифода аз панелҳои офтобӣ чорворо бо хӯроки сабз таъмин менамояд
НАМУНАИ ИБРАТ. Дар биноҳои баландошёнаи навбунёди шаҳри Хуҷанд панелҳои офтобӣ насб мегарданд
5 декабр дар Тоҷикистон бориши борон ва барф пешгӯӣ карда мешавад
Дар Вазорати рушди иқтисод ва савдо сатҳи омодагии вилояти Суғд ба фасли зимистон баррасӣ гардид
Дар роҳи Душанбе-Чанок 690 километр хатҳои уфуқӣ кашида шуданд
