Бонуи маҳаллаи «Тути калон» кадбонуи беҳтарини Хуҷанд гардид
ХУҶАНД, 16.03.2017. /АМИТ «Ховар»/. Бахшида ба таҷлили Наврӯзи байналмилалӣ ва дар доираи тадбирҳои Мақомоти иҷроияи ҳокимияти давлатии шаҳри Хуҷанд оид ба эълони Соли ҷавонон, дирӯз дар чойхонаи «Сирдарё»-и шаҳр ҷамъбасти даври шаҳрии озмуни «Кадбонуи беҳтарин» баргузор гардид. Дар он намояндагони мақомоти иҷроияи шаҳр, занону бонувони собиқадори маркази вилоят ва фаъолону намояндагони кумитаи маҳаллаҳои шаҳр иштирок намуданд.
Тавре ба хабарнигори минтакавии АМИТ «Ховар» аз шуъбаи кор бо махаллаҳои Мақомоти иҷроияи ҳокимияти давлатии шаҳри Хуҷанд иттилоъ доданд, озмуни мазкур бо мақсади тарғибу ташвиқи фарҳангу арзишҳои миллӣ, арҷгузориву эҳёи ҳунару урфу анъанаҳои мардумӣ, омода намудани дастурхони наврӯзӣ, тайёр намудани хӯрокҳои миллӣ ва намоиши маҳсули меҳнати дастӣ гузаронида шуда, шаш нафар бонувон- ғолибони давраи аввал байни худ аз рӯи панҷ шарт қуввасанҷӣ намуданд. Ҷавондухтарони соҳибҳунар бо маҳорати хуб ва услуби хоса ҳунарҳои худро дар пазандагиву ороишоти хони идона пешкаши ҳозирон гардонида, огаҳии худро аз таъриху фарҳанги ниёгон ва кадбонуи боистеъдоду ботаҷриба будани худро нишон доданд.
Дар ҷараёни озмун доварон аз ҳунарҳои миллии кадбонуҳо дидан намуда, ба ҳунару маҳорати онҳо баҳои баланд доданд.
Аз рӯи ҷамъбасти озмун Шоҳҷоиза насиби кадбонуи маҳаллаи «Тути калон», ҷои якум насиби намоянда аз маҳаллаи «Содирхон Ҳофиз» ва ҷойҳои дуюму сеюм насиби иштирокчиён аз маҳаллаҳои «Дӯстии халқҳо» ва «Ҷаббор Расулов» гардид.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
