Дар шаҳри Хоруғ хатнатӯйи кӯдакони оилаҳои камбизоат доир шуд

ХОРУҒ, 22.03.2017. /АМИТ «Ховар»/. Мақомоти иҷроияи ҳокимияти давлатии шаҳри Хоруғ дар якҷоягӣ бо соҳибкорони маҳалӣ хатнатӯи 35 нафар  кӯдакони оилаҳои камбизоатро баргузор намуданд.
Арамбегим Маҳтобшоҳзода, иҷрокунандаи вазифаи раиси шаҳри Хоруғ кӯдакон ва волидони онҳоро ба ҷашни Наврӯз шодбош гуфта, иброз дошт, ки яке аз фазилатҳои ҷашни Наврӯз дасти кӯмак дароз намудан ба бечорагон мебошад.
Ҳамчунин Арамбегим Маҳтобшоҳзода  зикр намуд, ки Пешвои миллат дар мулоқотҳои худ ҳамеша  таъкид мекунад, ки оилаҳои ниёзманд,  хусус кӯдакони ятим дастгирӣ карда шаванд, то онҳо худро танҳо ва заиф эҳсос накунанд.
Дар  хатнатӯй  30 нафар нафақахӯрони яккаву танҳо  низ даъват гардида,  ба онҳо туҳфаҳои пулию молӣ тақдим карда шуд.