Коршиносони олмонӣ барои духтурони Тоҷикистон аз рӯи стандартҳои психотерапевтӣ тренинги омӯзишӣ гузарониданд
ДУШАНБЕ, 16.03.2017 /АМИТ «Ховар»/. Тайи ду рӯзи охир коршиносони олмонӣ барои духтурони Тоҷикистон аз рӯи стандартҳои психотерапевтӣ доир ба беҳтаргардонии муолиҷаи истеъмолкунандагони маводи нашъаовар тренинги омӯзишӣ гузарониданд.
Тавре ба АМИТ «Ховар» ҳамоҳангсози миллии Барномаи CADAP дар Тоҷикистон Мавҷигул Азизуллоева хабар дод, тренерон дар бораи чӣ тавр дар марҳилаи аввал муайян ва пешгирӣ кардани нашъамандон, дастгирии онҳо зимни табобат ва дигар масъалаҳоро баррасӣ намуданд.
Ба омӯзиши мазкур 18 нафар табибон ва кормандони иҷтимоӣ фаро гирифта шуда, ба онҳо коршиносон аз Олмон, Беларус ва Австрия дарс гуфтанд. Пас аз хотимаи ин силсила омӯзишҳо коршиносони маҳаллӣ соҳиби сертификатҳои Донишгоҳи фанҳои амалии Франкфурт мешаванд.
Яке аз вазифаҳои барномаи CADAP 6 ин паст кардани талабот ба маводи нашъаовар мебошад. Барномаи мазкур аз тарафи Иттиҳоди Аврупо маблағгузорӣ шуда, бо Консортсиуми кишварҳои Нидерландия, Ҷумҳурии Чехия, Полша ва Олмон дар якҷоягӣ бо ташкилоти Ҷамъияти Олмон оид ба ҳамкории байналмилалӣ (GIZ) амалӣ гашта истодааст.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
