Рамазон Раҳимзода аз заминҳои хоҷагии ёрирасони мақомоти корҳои дохилӣ дар вилояти Суғд дидан кард
ДУШАНБЕ, 17.03.2017. /АМИТ «Ховар»/. Имрӯз Вазири корҳои дохилии Ҷумҳурии Тоҷикистон Рамазон Раҳимзода аз заминҳои хоҷагии ёрирасони мақомоти корҳои дохилӣ дар вилояти Суғд дидан карда, барои вусъат додани ҷараёни кишту кори баҳорӣ, тоза намудани навдаҳои дарахтони мевадиҳанда, токзор ва шинонидани дарахтони мевадиҳандаи гуногун ба масъулини соҳа дастуру супоришҳои мушаххас дод. Дар ин бора аз Вазорати корҳои дохилӣ хабар доданд.
Тарзи дурусти парвариши дарахтон, обёрӣ ва истифодаи нуриҳои минералӣ, ҳамчунин истифодаи дурусти техникаи кишоварзӣ аз масъалаҳои асосие буданд, ки мавриди таваҷҷуҳи Вазири корҳои дохилӣ қарор гирифтанд. Мавриди зикр аст, ки заминҳои хоҷагии ёрирасони ВКД дар деҳаи Сомғори ноҳияи Бобоҷон Ғафуров ҷойгир буда, масоҳати 27 гектарро ташкил медиҳанд. Барои обёрӣ намудани заминҳои хоҷагии ёрирасон 3 чоҳи амудӣ барои обкашӣ мавҷуд аст, ки аз онҳо дар як сония 70 литр об кашида мешавад. Дар ин заминҳо маҳсулоти ғалладона ва дигар навъҳои сабзавот, аз қабили гандум, нахӯд ва намудҳои гуногуни маҳсулоти хоҷагии қишлоқ кишт карда мешаванд.
Зимни шиносоӣ бо ҷараёни корҳои хоҷагидорӣ Рамазон Раҳимзода ба масъулини соҳа ҷиҳати киштгардону шудгори заминҳо, ҷалби мутахассисони соҳаи боғу токпарварӣ ва баланд намудани ҳосилнокии замин супоришҳои мушаххас дод.
Бояд гуфт, ки маҳсулоти гуногуни меваҷот барои таъминоти ҳайати шахсии қисми низомии 3501-и Раёсати қӯшунҳои дохилӣ, Воҳидҳои таъйиноти махсуси Вазорати корҳои дохилӣ ва курсантони факултети №4-и Академияи ВКД дар шаҳри Хуҷанд мунтазам фиристода мешаванд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
