Тоҷикистон дар раддабандии нави футболи ҷаҳон мавқеашро дигар накард

Март 10, 2017 09:14

ДУШАНБЕ, 10.03.2017/АМИТ «Ховар»/. Дар раддабандии нави FIFA, ки дирӯз ба нашр расид, дастаи мунтахаби Тоҷикистон мавқеашро дигар накарда, дар мақоми 133-ум боқӣ монд. Ин дар ҳолест, ки дастаи мунтахаби Тоҷикистон ду моҳи охир бозиҳои дӯстона ва расмии худро барпо накардааст.
Миёни дастаҳои мунтахаби Осиё низ мавқеи Тоҷикистон иваз нашуд ва дар зинаи 20-ум қарор дорад. Дар ин нишондод дар Осиё ҳамоно дастаи мунтахаби Эрон дар ҷои аввал (32-ум дар ҷаҳон,-3*), Кореяи Ҷанубӣ дуюм (39,-2) ва Ҷопон дар зинаи сеюм (52, -3) мебошанд.
Дар ҷаҳон мутаносибан дастаҳои мунтахаби Аргентина (1644), Бразилия (1534) ва Олмон (1443) се зинаи аввалро ишғол мекунанд.
Пешравӣ ва дастоварду нишондоди беҳтарин дар таснифоти нав ба дастаи мунтахаби Суринам тааллуқ дорад. Футболбозони ин кишвар 9 зина боло рафта, мавқеашонро аз ҷои 129-ум ба 120-ум иваз карданд. Дастаи нишододаш аз ҳама паст, ки 13 зина поён рафтааст, намояндаи Конфедератсияи футболи Осиё- дастаи мунтахаби Миянма ба шумор меравад. Онҳо аз мақоми 159-ум ба 172-юм гузаштанд.
Рейтинги FIFA аз соли 1993 инҷониб гузаронида шуда, имтиёзҳо аз рӯи натиҷаи нишондодаи дастаҳои мунтахаби миллии кишварҳо дар давоми чор сол дода мешаванд.
Феҳристи нави FIFA 6 апрел ба нашр хоҳад расид.

Март 10, 2017 09:14

Хабарҳои дигари ин бахш

Байни Кумитаҳои миллии олимпии Тоҷикистон ва Эрон Ёддошти тафоҳуми хамкорӣ ба имзо расид
Дар шаҳри Душанбе Форуми Шурои олимпии Осиё ва ҳамбастагии олимпӣ оғоз гардид
Имрӯз дар Душанбе Форуми Шурои олимпии Осиё ва ҳамбастагии олимпӣ баргузор мегардад
ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод