В. Путин: «Россия ва Тоҷикистон ҳамкории тиҷоратиро бояд фаъолтар созанд»

ДУШАНБЕ, 01.03.2017 /АМИТ «Ховар/. «Россия ва Тоҷикистон бояд барои рушди робитаҳои тиҷоратию иқтисодӣ шароити иловагӣ ба вуҷуд оранд»,- изҳор дошт президенти Россия Владимир Путин.
Путин пас аз музокирот бо Президенти Тоҷикистон Эмомалӣ Раҳмон 27 феврал таъкид дошт, ки лоиҳаҳои муштараки бузург дар соҳаи энергетика мавҷуданд, аз ҷумла НБО-и бо иштироки Россия бунёдшуда 12% неруи барқи дар Тоҷикистон тавлидшавандаро истеҳсол мекунад.
«Созишномаи байниҳукуматии имзошуда дар соҳаи энергияи атомӣ бо ҳадафҳои осоишта барои кори муштарак дар ин соҳаи муҳим имконоти навро фароҳам меорад. Ин, пеш аз ҳама, ҳалли мушкилоти экологӣ аст»,- тазаккур дод В. Путин.