Академияи ВАО-и Тоҷикистон барои роҳбарони шабакаҳои телевизионии давлативу мустақил машғулияти омӯзишӣ доир мекунад
ДУШАНБЕ, 07.04.2017. /АМИТ «Ховар»/. Бо мақсади омӯзиши равандҳои муосири мудирияти шабакаҳои телевизионӣ, ҷолибсозии муҳтавои барномаҳо, ҷалби реклама ва муайян кардани стратегияи бомуваффақи фаъолияти телевизионӣ, ки феълан дар Тоҷикистон дар ҳоли ташаккул қарор дорад, Муассисаи давлатии «Академияи ВАО-и Тоҷикистон» рӯзҳои 7 ва 8 апрел барои роҳбарони шабакаҳои телевизионии давлативу мустақил машғулияти омӯзишӣ доир мекунад.
Тӯли ду рӯз тренер аз Федератсияи Россия, муовини декани факултаи коммуникатсия, медиа ва дизайни Мактаби олии иқтисодии Федератсияи Россия Татяна Тихомирова, ки мутахассиси баландихтисоси соҳаи менеҷмент мебошад, роҳбарият ва директорони тиҷоратии шабакаҳои телевизиониро бо усулҳои муосири мудирияти тиҷоратӣ, пешниҳоди бренди шабакаҳо, мавқеъ пайдо кардани шабакаҳо дар бозори медиа ва рақобатпазирии онҳо шинос мекунад.
Муассисаи давлатии «Академияи ВАО-и Тоҷикистон» 1 марти соли 2016 ба фаъолият оғоз карда, ҳадафи он такмили ихтисос ва бозомӯзии касбии кормандони ВАО-и кишвар аст.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
