Чемпиони Қирғизистон ба Душанбе омад

Апрель 17, 2017 11:41

ДУШАНБЕ, 17.04.2017/АМИТ «Ховар»/. Чемпиони Қирғизистон оид ба футбол- дастаи «Олой»-и шаҳри Ӯш барои бозии даври сеюми марҳилаи гурӯҳии Ҷоми Конфедератсияи футболи Осиё (КФО) дар гурӯҳи «D» бо дастаи «Истиқлол»-и Душанбе ба пойтахти кишварамон омад.
Ҳайати даста аз 18 нафар бозингарон таркиб ёфтааст, ки 4 нафарашонро легионерҳо ташкил медиҳанд. Дар ин қатор дарвозабони асосии тими мунтахаби Тоҷикистон Абдуазиз Маҳкамов низ ҳузур дорад.
Шоми дирӯз дар майдони эҳтиётии Варзишгоҳи марказии Душанбе меҳмонон аввалин тамрини худро ба сомон расониданд.
Ҳайати «Олой» аз ин бозингарон иборат мебошад:
Дарвозабонҳо Абдуазиз Маҳкамов (Тоҷикистон), Марат Мамасодиқов, Абдулнур Мамитов.
Ҳимоятгарон Илёс Олимов, Шӯҳрат Раҳмонов, Нурсултан Отамирзоев, Бекбулат Акматалиев, Акрамҷон Умаров, Улуғбек Рисқулов.
Нимҳимоятгарон Сидибе Модибо (Нигерия), Бакит Маматов, Аброр Қодиралиев, Одилҷон Абдураҳмонов, Абдурашид Саидраҳмонов.
Ҳамлагарон — Умарбек Тухтасинов (Ӯзбекистон), Мақсад Олимов, Владимир Верёвкин, Алиа Силла (Гвинея).
Сармураббӣ: Неъмат Кошоков
Имрӯз дар меҳмонхонаи «Ҳаят Реҷенси Душанбе» нишасти матбуотии сармураббиёни дастаҳо бо хабрнигорон баргузор мешавад.
Бозии даври сеюми марҳилаи гурӯҳии Ҷоми КФО байни дастаҳои «Истиқлол» ва «Олой» 18 апрел дар Варзишгоҳи марказии шаҳри Душанбе соати 19:00 шурӯъ мегардад.
Тавре хабар дода будем, ин вохӯриро довари ФИФА Ҳироюки Кимура аз Ҷопон бо ёваронаш Наги Тошиюки ва Синдзи Очи ҳакамӣ мекунанд. Довари эҳтиётӣ Аҳмад Яъқуб Иброҳим аз Урдун мебошад.
Бозии дигари ин гурӯҳ бо иштироки дастаҳои «Дордой-и Қирғизистон ва «Олтин Асир»-и Туркманистон дар мизбонии «Дордой» барпо хоҳад шуд.
Баъди натиҷаи ду даври мусобиқа дар гурӯҳи «D» дастаҳои «Истиқлол» ва «Олтин Асир» соҳиби 4 имтиёз ҳастанд. «Дордой» се имтиёз дошта, «Олой» имтиёзе надорад.
Ҷоми AFC-2017
Гурӯҳи «D». Минтақаи марказӣ
Даври 1-ум
14 март (сешанбе)
«Истиқлол» (Тоҷикистон) «Дордой» (Қирғизистон) 2:0
«Олой» (Қирғизистон) «Олтин Асир» (Туркманистон) 1:2
Даври 2-юм
4 апрел (сешанбе)
«Олтин Асир» (Туркманистон) «Истиқлол» (Тоҷикистон) 1:1
«Дордой» (Қирғизистон) «Олой» (Қирғизистон) -1:0
Даври 3-юм
18 апрел (сешанбе)
«Истиқлол» (Тоҷикистон) «Олой» (Қирғизистон)
«Дордой» (Қирғизистон) «Олтин Асир» (Туркманистон)
Даври 4-ум
3 май (чоршанбе)
«Олой» (Қирғизистон) «Истиқлол» (Тоҷикистон)
«Олтин Асир» (Туркманистон) «Дордой» (Қирғизистон)
Даври 5-ум
17 май (чоршанбе)
«Дордой» (Қирғизистон) «Истиқлол» (Тоҷикистон)
«Олтин Асир» (Туркманистон) «Олой» (Қирғизистон)
Даври 6-ум
31 май (чоршанбе)
«Истиқлол» (Тоҷикистон) «Олтин Асир» (Туркманистон)
«Олой» (Қирғизистон) «Дордой» (Қирғизистон)

Апрель 17, 2017 11:41

Хабарҳои дигари ин бахш

Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард