Хадамоти муҳоҷират: раванди муҳоҷирати меҳнатӣ ба хориҷа нисбат ба ҳамин давраи соли гузашта 22 % кам шудааст
ДУШАНБЕ, 19.04.2017 /АМИТ «Ховар»/. Ҳангоми санҷиши шаҳрвандон пеш аз сафар ба Федератсияи Россия 7 ҳазору 822 нафар, ки дар рўйхати манъшудагон дар маҳзани маълумоти Хадамоти муҳоҷират ба қайд гирифта шудаанд, муайян карда шуда, аз сафари бебарор баргардонида шуданд. Ин нукта дар маҷлиси ҳайати мушовара оид ба фаъолияти Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар семоҳаи аввали соли равон зикр гардид. Дар ин бора ба мухбири АМИТ «Ховар» аз Хадамоти мазкур хабар доданд.
Инчунин зикр карда шуд, ки дар ин муддат 112810 нафар шаҳрвандони кишварамон ба хориҷи кишвар ба муҳоҷирати меҳнатӣ сафар намудаанд. Аз ҷумла ба Федератсияи Россия — 110193 нафар ва ба Қазоқистон — 2617 нафар сафар кардаанд. Раванди муҳоҷирати меҳнатӣ ба хориҷа нисбат ба ҳамин давраи соли гузашта 31509 нафар ё 22 % кам шудааст.
Ҳамчунин зикр карда шуд, ки айни замон ба 1398 нафар шаҳрванди хориҷӣ иҷозат барои амалӣ намудани фаъолияти корӣ дода шуд, ки нисбат ба соли гузашта 881 нафар кам мебошад.
Бояд гуфт, ки дар натиҷаи гузаронидани амалиёт ва бо назардошти бурдани назорати доимӣ дар давраи ҳисоботӣ барои вайрон кардани қоидаҳои будубоши шаҳрвандони хориҷӣ дар Ҷумҳурии Тоҷикистон нисбат ба 93 нафар санади маъмурӣ тартиб дода шуд. Аз ин теъдод 35 нафари онҳо барои дағалона вайрон кардани қоидаҳои будубош бо қарорҳои суд аз қаламрави Ҷумҳурии Тоҷикистон берун карда шудаанд, ки нисбат ба соли 2016 17 нафар кам мебошад.
«КОРВОНИ ДИДОР». Бахшида ба рӯзи Қувваҳои Мусаллаҳи Ҷумҳурии Тоҷикистон дар ноҳияи Шоҳмансур ҳамоиши тантанавӣ доир шуд
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
