Оғози курсҳои мураббиёни футзал дар шаҳри Душанбе
![](https://khovar.tj/wp-content/uploads/2017/04/kus-oi-futzal.jpg)
ДУШАНБЕ, 03.04.2017/АМИТ «Ховар»/.Дар меҳмонхонаи «Ҳаятт Реҷенси»-и шаҳри Душанбе курсҳои шашрӯзаи мураббиёни футзал барои ноил шудан ба литсензияи «Level-1»-и Конфедеартсияи футболи Осиё (КФО) оғоз гардид.
Соли гузашта чунин курсҳо дар шаҳри Душанбе гузаронида шуда буданд. Ҳамакнун коршиноси КФО Носир Солеҳ аз Ҷумҳурии Исломии Эрон бори дигар ба мураббиёни кишварамон машғулиятҳои амалиявӣ ва назариявӣ мегузаронад.
Дар машғулиятҳо аслан бозинагрони собиқи дастаи мунтахаби мамлакат оид ба футзал Далер Ақназаров, Акмал Ҷумъаев, Мақсудҷон Пӯлодов, Ораз Ализода, Фурқатҷон Ахмедҷонов, Шаҳром Шодиев, инчунин бозингарони имрӯзаи дастаи мунтахаб Фирӯз Юсуфзода ва Муродулло Алиқулов бо дигар мутахассисони ин соҳа барои ноил шудан ба литсензияи КФО таълиму тадрис мегиранд.
Мураббиёне, ки аз имтиҳонҳо баҳои сазоворро мегиранд, литсензияи «Level-1»-и футзалро, ки ба литсензияи «С»-и футбол баробар аст, соҳиб мегарданд.