Қуръакашии тақвими бозиҳои Чемпионати Тоҷикистон оид ба футбол баргузор шуд

Апрель 5, 2017 15:13

ДУШАНБЕ, 05.04.2017/АМИТ «Ховар»/. Дар қароргоҳи Федератсияи футболи Тоҷикистон (ФФТ) қуръакашии тақвими бозиҳои Чемпионати Тоҷикистон оид ба футбол байни дастаҳои лигаи якум гузаронида шуд. Тавре сомонаи ФФТ хабар медиҳад, Чемпионати имсола ду марҳаларо дарбар мегирад ва дар он 12 даста ширкат меварзанд.
Ба ҳамин тартиб, дар мавсими нави футбол дар лигаи якум дастаҳои «Локомотив-Помир» (Душанбе), «Кӯктош» (Рӯдакӣ), «Равшан» (Кӯлоб), «Зарафшон» (Панҷакент), «Ваҳдат» (Ваҳдат), «Ҳулбук» (Восеъ), «Парвоз», «Сомон» (Данғара), «Эсхата» (Хуҷанд), «ФК-83» (Душанбе), «Зарбдор» (Исфара) ва «Саройкамар» (Панҷ) барои медалҳо мубориза мебаранд.
Дастаҳо аз рӯи интихоби рақамҳо ҷои худро дар қуръакашӣ муайян карданд ва он ба таври зайл аст:
1. «Локомотив-Помир» (Душанбе)
2. «Кӯктош» (Рӯдакӣ)
3. «Равшан» (Кӯлоб)
4. «Зарафшон» (Панҷакент)
5. «Ваҳдат» (Ваҳдат)
6. «Парвоз»
7. «Ҳулбук» (Восеъ)
8. «Сомон» (Данғара)
9. «Эсхата» (Хуҷанд)
10. «ФК-83» (Душанбе)
11. «Зарбдор» (Исфара)
12. «Саройкамар» (Пянҷ)
Тибқи қуръакашӣ дар даври якуми мусобиқа, ки миёнаҳои моҳи апрел шурӯъ мегардад, дастаҳои зерин бо ҳам қувва меозмоянд:
«Локомотив-Помир» «Саройкамар»
«Кӯктош» «Зарбдор»
«Равшан» «ФК-83»
«Зарафшон» «Эсхата»
«Ваҳдат» «Сомон»
«Парвоз» «Ҳулбук»
Қуръакашии даврҳои минбаъда аз рӯи низоми Бергер гузаронида мешавад ва ҳар як даста дар мавсим 22 вохӯрӣ барпо менамояд. Дар ҷамъбасти мусобиқа дастаи ғолиб-соҳиби ҷои аввал ба Чемпионати мамлакат байни дастаҳои лигаи олӣ роҳхат мегирад, соҳиби ҷои дуюм бо дастаи мақоми охирини лигаи олӣ дар бозии гузариш иштирок мекунад ва ғолиб дар мавсими футболи соли 2018 ба қатори дастаҳои Лигаи олӣ шомил мешавад.

Апрель 5, 2017 15:13

Хабарҳои дигари ин бахш

Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард