Вазорати рушди иқтисод ва савдо бо Раёсати «Узэкспоцентр» ҳамкориро тақвият мебахшад

ДУШАНБЕ, 24.04.2017 /АМИТ «Ховар»/. Ҳафтаи гузашта дар доираи баргузории нахустин намоишгоҳи миллии молҳои Ӯзбекистон дар Душанбе мулоқоти муовини Вазири рушди иқтисод ва савдои Ҷумҳурии Тоҷикистон Умед Давлатзод бо Раиси Раёсати «Узэкспоцентр» Иброҳим Эргашев сурат гирифт.
Дар ин бора аз маркази матбуоти Вазорати рушди иқтисод ва савдои кишвар ба АМИТ «Ховар» хабар доданд.
Зикр гардид, ки зимни мулоқот ҷонибҳо атрофи масъалаҳои вобаста ба рушди ҳамкорӣ дар соҳаҳои иқтисоду тиҷорат мубодилаи афкор намуда, азми қавии худро ҷиҳати густариши минбаъдаи ҳамкорӣ байни Вазорати рушди иқтисод ва савдо ва Раёсати «Узэкспоцентр» баён доштанд.