Баргузории ҷаласаи VI Комиссияи муштараки ҳамкории Тоҷикистон ва Афғонистон
ДУШАНБЕ, 30.05.2017 /АМИТ «Ховар»/. 25 ва 26 майи соли 2017 дар шаҳри Кобул ҷаласаи Комиссияи муштараки ҳамкории иқтисодӣ, тиҷоратӣ, иҷтимоӣ ва техникӣ миёни Ҷумҳурии Тоҷикистон ва Ҷумҳурии Исломии Афғонистон доир гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Ҷаласа бо суханронии ҳамраисони комиссия — Вазири нақлиёти Ҷумҳурии Тоҷикистон Худоёр Худоёрзода ва Вазири иқтисоди Ҷумҳурии Исломии Афғонистон Абдусаттор Мурод оғоз гардид. Зимни баррасии иҷрои тавофуқот ва бандҳои Протоколи V ва арзёбии ҳамкории ду кишвар тайи 3 соли охир таъкид гардид, ки муносибатҳои дӯстонаи ду кишвар дар ҳама арсаҳо рушди чашмгир доштанд.
Ҳамкории ду кишвар густариши ҷиддӣ ёфт- тайи 4 моҳи аввали соли 2017 мубодилаи мол нисбат ба ҳамин давраи соли 2016 қариб 2 баробар афзуд.
Муҳимтар аз он, ду кишвари дӯст ба татбиқи барномаҳои бузург ва таърихӣ, аз ҷумла хатти бузурги интиқоли барқи КАСА-1000 ва роҳи оҳани Тоҷикистон-Афғонистон-Туркманистон (ТАТ) оғоз намуданд, ки ба рушди ҳарду кишвар (бахусус Афғонистон) мусоидат намуда, нақши транзитии ду кишварро ҷиддан боло хоҳад бурд.
Баъдан ҳайатҳои ду кишвар дар таркиби гурӯҳҳои техникӣ ва маслакӣ самтҳо, нукот ва иқдомоти мушаххаси ҳамкориро мавриди арзёбии мушаххас, муфассал ва дақиқ қарор доданд ва Протоколи VI Комиссияро чун санади фарогир ва муҳим таҳия намуданд. Дар ин санад ба самтҳои авлавиятнок ва стратегии ҳамкорӣ — энергетика, роҳи оҳан, транзит, равобити фарҳангӣ, иҷтимоӣ ва ҷанбаҳои татбиқию амалии барномаҳо ва иқдомоти ҳамкорӣ таваҷҷуҳи хос сурат гирифтааст.
Протоколи Комиссия аз ҷониби ҳамраисон дар маросими хос ва ботантана имзо шуд.
Дар ҷараёни баргузории Комиссия ҳайати Тоҷикистон силсилаи мулоқотҳои муфид ва созандаи корӣ анҷом дод.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
