Муроҷиати Пешвои миллат ба омӯзгорон ва падару модарон: «Таваҷҷуҳи наврасонро барои аз бар намудани фанҳои дақиқ бештар ҷалб кунед!»
ДУШАНБЕ, 12.05.2017 /АМИТ «Ховар»/. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз зимни ифтитоҳи муассисаи таҳсилоти миёнаи умумии рақами 9 дар деҳаи Сангтӯдаи ноҳияи Данғара изҳор намуданд, ки бо назардошти он, ки дар деҳоти Сангтӯда дар даврони соҳибистиқлолӣ ду неругоҳи барқи обӣ «Сангтӯда 1» ва «Сангтӯда 2» ба фаъолият оғоз намуданд, зарур аст, ки дар муассисаҳои таълимӣ ба раванди азхудкунии фанҳои дақиқ ва забонҳои хориҷӣ таваҷҷуҳи бештар зоҳир карда шавад, то ки минбаъд хатмкунандагони деҳот тавонанд ба муассисаҳои таҳсилоти олии соҳаи гидроэнергетика дар дохил ва хориҷи кишвар қабул шуда, баъди хатм ҳамчун мутахассисони баландихтисос дар пешрафту ободии диёри худ саҳм гузоранд.
Бино ба маълумоти Сарвари давлат, имрӯз дар ду неругоҳи воқеъ дар ҳудуди деҳоти Сангтӯда қариб 400 нафар сокинони маҳаллӣ ба фаъолият машғуланд ва бо маоши аз якуним то чор ҳазор сомонӣ таъмин мебошанд.
Пешвои миллат бори дигар таъкид намуданд, ки масъулони соҳаи маориф ва мақомоти иҷроияи маҳаллии ҳокимияти давлатӣ ба омода кардани кадрҳо бо ихтисосҳои техникиву технологӣ ҳарчи бештар эътибор диҳанд. Зеро тайи солҳои охир дар қаламрави кишварамон даҳҳо корхонаҳои бузурги саноативу неругоҳҳои барқи обӣ бунёд гардиданд ва барои ҳамаи онҳо мутахассисони сатҳи баланди техникӣ, аз ҷумла муҳандисону идоракунандагони таҷҳизоти муосири техникӣ ва энергетикҳои баландихтисос заруранд.
Президенти кишвар баён доштанд, ки хусусан соҳаи энергетикаи мамлакат имрӯз ба кадрҳои замонавӣ эҳтиёҷи зиёд дорад.
Вобаста ба ин, Пешвои миллат ба устодону омӯзгорон ва падару модарон муроҷиат намуданд, ки таваҷҷуҳи наврасонро барои аз бар намудани фанҳои дақиқ, забонҳои хориҷӣ ва омӯзиши технологияҳои иттилоотиву коммуникатсионӣ бештар ҷалб кунанд ва ба ташаккули ҷаҳонбинии фарзандон эътибори ҷиддӣ дода, онҳоро дар рӯҳияи донишомӯзиву заҳматдӯстӣ тарбия намоянд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
