Дар Остона ҷаласаи вазирони фарҳанги кишварҳои узви СҲШ баргузор гардид
ДУШАНБЕ, 05.06.2017 /АМИТ «Ховар»/. 2 июни соли равон дар шаҳри Остонаи Ҷумҳурии Қазоқистон ҷаласаи 14-уми вазирони фарҳанги кишварҳои аъзои Созмони ҳамкории Шанхай анҷом ёфт .
Тавре аз Маркази матбуоти Вазорати фарҳанги Ҷумҳурии Тоҷикистон иттилоъ доданд, дар ҷаласа, ки тӯли ду рӯз идома ёфт, Вазири фарҳанги Ҷумҳурии Тоҷикистон Шамсиддин Орумбекзода иштирок намуд. Дар ин ҳамоиш ҳамчунин вазирони фарҳанги Қазоқистон, Қирғизистон, Ӯзбекистон, Чин, Россия, муовини Котиби генералии СҲШ А. Носиров, намояндагони Ҳиндустон ва Эрон ширкат варзиданд.
Дар ҷаласа вазирони фарҳанг дурнамои ҳамкории фарҳангиро дар муддати сипаригардида ва раванди амалишавии Созишномаи байни ҳукуматҳои кишварҳои аъзои СҲШ оид ба ҳамкорӣ дар соҳаи фарҳангро баррасӣ намуданд.
Дар вохӯрӣ зикр гардид, ки кишварҳои аъзо минбаъд низ барои таҳкими робитаҳои фарҳангӣ, ҳифзи гуногунии фарҳангҳо ва эҳтироми халқиятҳои мухталиф, тарғиби анъанаҳои фарҳангии халқҳои кишварҳои аъзо ва табодули таҷрибаҳои фарҳангӣ байни кишварҳои Роҳи бузурги Абрешим кӯшиш хоҳанд кард.
Ҷаласаи мазкур барои вазирони фарҳанги кишварҳои аъзо имконияти мусоид фароҳам овард, то масъалаҳои дахлдори рушди муносибатҳои дуҷониба ва бисёрҷонибаи фарҳангиро баррасӣ намоянд.
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
