Сарҳадбонон ҳангоми ҳимояи хати сарҳади давлатӣ ду нафар қочоқчиёнро безарар гардониданд
ДУШАНБЕ, 20.06.2017 /АМИТ «Ховар»/. Шаби гузашта хизматчиёни наряди сарҳадӣ ва гурӯҳи фаврии Қӯшунҳои сарҳадии КДАМ ҶТ дар яке аз минтақаи дидбонгоҳи сарҳадии «Ҳамадонӣ» кӯшиши ғайриқонунӣ убур кардани хати сарҳад ва интиқоли маводи мухаддирро ба ҳудуди Тоҷикистон пешгирӣ карданд.
Дар ин бора ба АМИТ «Ховар» сардори хадамоти матбуотии Қӯшунҳои сарҳадии КДАМ ҶТ Муҳаммад Улуғхоҷаев иттилоъ дод.
«Ҳангоми гузаронидани амалиёт, гурӯҳи мусаллаҳи қочоқчиёни номаълуми афғон дар вақти убури ғайриқонунии марзи давлатӣ бо сарҳадбонони тоҷик рӯ ба рӯ мешаванд. Ба амри сарҳадбонони тоҷик, қочоқчиён итоат накарданд, бараъкс байни сарҳадбонон ва қочоқбарони афғон задухӯрди мусаллаҳона ба вуқӯъ омад», — зикр кард М.Улуғхоҷаев.
«Сарҳадбонони тоҷик аз худ чусту чолокӣ нишон дода, ба қочоқбарони мусаллаҳ муқовимати шадид нишон доданд. Дар натиҷаи он ду нафар аз қочоқчиён безарар гардонида шуда, боқимонда аз торикии шаб истифода бурда, ба тарафи Афғонистон фирор намуданд», — гуфт сардори хадамоти матбуотии Қӯшунҳои сарҳадии мамлакат.
Дар хабари расмии хадамоти матбуотии Қӯшунҳои сарҳадӣ омадааст, ки «Ҳангоми азназаргузаронии ҷои ҳодиса 2 ҷасади қочоқбар, 21 кг маводи мухаддири навъи ҳашиш, 2 адад яроқи оташфишони АКМ бо 10 адад тирдон, 235 дона тири қутри 7,62 ва 2 адад норинҷак бозёфту мусодира карда шуд».
Вобаста ба ҳодисаи мазкур тафтишот идома дорад.
Акрам САНГЗОДА
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
